Kalendari vjetor i Projektakteve MAS_2014

Dokumente: Vendimi i Qeverisë mbi kalendarin e projekt-akteve , Janar 2014
 
Projekt-Akte të qeverisë për vitin 2014  për arsimin e lartë 

PROJEKTAKTE	OBJEKTI DHE QELLIMI I PROJEKTAKTIT	MINISTRI PROPOZUES	AFATI I PARAQITJES ne KM	Drejtorite pergjegjese
Projektvendim për kontraktimin e një Agjencie, Anëtarë te ENQA (The European Association For Quality Assurance In Higher Education) për Akreditimin e Institucioneve Te Arsimit Te Larte.	Ne zbatim te neneve 26,34,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe Sportit	Katermujori i I-re	DALKSH, DPBI
Projektvendim "Për kategoritë e shërbimeve te enteve shtetërore qe do te përftojnë studentet nëpërmjet Kartës se Studentit".	Studentet te pajisen me një karte qe i ndihmon ata ne veprimtarinë e tyre jetësore ne Institucionet e Arsimit te Larte, ne përputhje me nenin 56/4 te Ligjit te Arsimit te Larte .	Ministria e Arsimit dhe Sportit dhe Ministria e Financës	Katermujori i II-te	DALKSh/DPBI
Projektvendim "Për kuotat e pranimit ne studimet me kohe te pjesshme për ciklin e dyte te studimeve Master Profesional ne institucionet publike te arsimit te larte dhe tarifat e shkollimit ne vitin akademik 2014-2015".	Ne zbatim te neneve 34,35,36,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe Sportit	Katermujori i II-te	DALKSh -DPBI
Projektvendim "Për kuotat e pranimit ne studimet me kohe te plote për ciklin e dyte te studimeve Master Profesional dhe Master Shkencor ne institucionet publike te arsimit te larte dhe tarifat e shkollimit ne vitin akademik 2014-2015".	Ne zbatim te neneve 34,35,36,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe Sportit	Katermujori i II-te	DALKSh -DPBI
Projektvendim "Për kuotat e pranimit ne studimet me kohe te plote për ciklin e pare te studimeve. dhe tarifat e shkollimit ne vitin akademik 2014- 2015".	Për te përgatitur një akt nënligjor ne funksion te pranimeve sa me cilësore duke i bazuar mbi treguesit kualitative te "Maturës Shtetërore" Ne zbatim te neneve 33,36,75 te Ligjit për Arsimin e Larte.	Ministria e Arsimit dhe e Sportit	Katermujori i II-te	DALKSh-DPBI
Projektvendim "Për kuotat financiare te ushqimit te nxënësve ne mensat e konvikte, bursat e shtetit dhe pagesat e nxënësve dhe studenteve, ne institucionet arsimore publike për vitin akademik 2014-2015".	Përmirësimi i skemës se mbështetjes financiare te nxënësve dhe studenteve.	Ministria e Arsimit dhe Sportit	Katermujori i II-te	DPBI
Projektvendim "Për përcaktimin e numrit te praktikanteve për kryerjen e praktikes profesionale, me kontrate te përkohshme, për periudhën 1 janar-15 qershor 2014 dhe 10 shtator-31 dhjetor 2014, për Ministrinë e Arsimit dhe Sportit."	Ne zbatim te ligjit nr. 10 171, date 22.10.2009 "Për profesionet e rregulluara ne Republikën e Shqipërisë", te ndryshuar.	Ministria e Arsimit dhe Sportit	Katermujori i II-te	DPBI
Projektvendim "Për kuotat e pranimit ne studimet e ciklit te trete, te studimeve specializuese Afatgjata ne Fakultetin e Mjekësisë te Universitetit te Tiranes dhe tarifat e shkollimit ne vitin akademik 2014-2015".	Ne zbatim te neneve 26,34,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe e Sportit	Katermujori i III-te	DALKSh -DPBI
Projektvendim "Për kuotat e pranimit ne studimet me kohe te pjesshme Cikli i Pare Bachelor ne institucionet publike te arsimit te larte ne vitin akademik 2014-2015".	Ne zbatim te neneve 33,36,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe e Sportit	Katermujori i III-te	DALKSh -DPBI
Projektvendim "Për kuotat e pranimit ne studimet me kohe te plote për ciklin e trete te studimeve doktorate ne institucionet publike te arsimit te larte dhe tarifat e shkollimit ne vitin akademik 2014-2015".	Ne zbatim te neneve 26,34,75 te Ligjit nr. 9741 date 21.5.2007 "Për Arsimin e Larte ne RSH" i ndryshuar.	Ministria e Arsimit dhe e Sportit	Katermujori i III-te	DALKSh -DPBI

Read More

Mbi Reformën - Selami Xhepa

Të shpëtojmë arsimin publik

SELAMI XHEPA
Panorama, 24.04.2014


Një nga të shumtat problematika shqetësuese të tranzicionit tonë dhe që kohët e fundit po bëhet lajmi kryesor që merr publiku, janë sfidat e sistemit tonë arsimor në të gjitha nivelet e veta. Frika, jo pa baza, është se ndërsa shoqëria jonë ia arriti të luftonte me sukses analfabetizmin në shekullin e kaluar, në këtë shekull po mbërthehemi në një “kurth të injorancës” që po prodhon sistemi ynë i edukimit. Thirrja për të shpëtuar sistemin nëpërmjet reformimit të tij është dëshpëruese. Shumë kolegë e profesionistë të fushave të ndryshme kanë shkruar gjerësisht për këtë temë, prandaj dhe unë mbase nuk po shtoj ndonjë gjë të re, por do doja të rreshtohesha ndër ata që e ngrenë zërin për këtë kanosje serioze të sistemit tonë arsimor. Qasja ime ndaj kësaj reforme është nevoja e dakordësimit më së pari me parimet, shtyllat mbi të cilat ajo ndërtohet dhe ku ankorohen politikat publike të ardhshme. Tri parimet që në gjykimin tim janë udhërrëfyes të reformës do të ishin:

1. Konkurrencë dhe pluralizëm aktorësh në sistemin e ofrimit të shërbimit të edukimit.
Shkollimi nga entet private prej kohësh është përballur me një përbaltje të pamerituar ndërsa entet publike kanë gëzuar një “reputacion” pozitiv të pamerituar. Eksperienca e fituar nga historia e shkuar e kombeve të tjera që mund të na shërbejnë si model, na tregon se përmirësimi i nivelit të arsimit arrihet kur tregu i ofruesve është pluralist dhe ku marrin pjesë aktorë të shumtë. Në këtë kuptim, lejimi i arsimit privat në Shqipëri ishte hapi i parë i rëndësishëm për të prodhuar konkurrencë në këtë shërbim. Nëse hapja e sistemit nuk do të ishte shoqëruar me masivizimin dhe “përmbytjen” e shkollave të larta duke shtuar kuotat pa asnjë kriter dhe tej çdo mundësie reale që përballonte sistemi, liberalizimi i sistemit arsimor do të kishte ndikuar në mënyrë substanciale në përmirësimin e cilësisë së shkollës. Por të presësh përmirësim të arsimit, pa e hapur garën e konkurrencës, do të ishte njëlloj siç thoshte Lenini, “të vdesësh duke pritur.”

2. Standarde të përshtatshme për sistemin, dhe jo për ofruesit e shërbimit.
Sa herë është folur për standardet e arsimit, veçanërisht atij të lartë, i referohemi vetëm universiteteve private, ndërkohë që për gati 95% të fëmijëve dhe studentëve që ndjekin sistemin e shkollimit publik, standardet kanë shkuar në shumë parametra drejt përkeqësimit. Nga ana tjetër, kriteret për shkollat private kanë qenë të natyrës formale ose janë ndjekur në mënyrë jorigoroze. Madje janë toleruar raste flagrante me rrezikun e dëmtimit të të gjithë sistemit. Megjithatë, i gjithë sistemi privat i shkollimit ofron, përgjithësisht, një infrastrukturë më të përmirësuar se sektori publik. Ndërsa sistemi i shkollës publike, veçanërisht i universiteteve, ka shkuar drejt degradimit të tij duke rritur barrën e sistemit përtej mundësive reale të tij. Pa e ekzagjeruar, mund të thuhet se universitetet publike u ngjajnë ish mapove të dikurshme të komunizmit, ku hynin e dilnin një lumë njerëzish, por pa mundur të blije ndonjë gjë me vlerë. Shpëtimi i sistemit duhet të vijë nga vendosja dhe respektimi i standardeve që ata duhet të ofrojnë. Dhe kur flitet për standardet, mendoj se duhet të reflektojmë me objektivitet. Vendosja e tyre nuk është një çështje dëshire, por mundësish që disponon sot shoqëria jonë. Të ndërtojmë një sistem sipas modelit të shkollës angleze kush nuk do ta dëshironte, por konteksti ynë i burimeve që disponojmë, i kontekstit kulturor dhe të trashëgimisë, na vendosin barriera të pakalueshme. Dhe kur flasim për burimet, nuk janë paratë mungesa më kritike se sa ajo e burimeve njerëzore, e trupës akademike dhe pedagogjike, një shqetësim shumë serioz i universiteteve tona. Fatkeqësisht, edhe sistemi i kualifikimit shkencor dhe i gradave duhet rishikuar në mënyrë serioze në mënyrë që të nxitet gara e përhershme në sistem dhe, nga ana tjetër, të mos krijohen privilegje për grupe “shkencëtarësh”, të cilët “i lodhim duke iu krijuar monopol mbi poste drejtuese dhe i shkëpusim nga hobi i tyre, kërkimi shkencor”. Do të ishte më shumë e dobishme nëse vendosim standarde realiste, të shoqëruar me një periudhë tranzitore të arritjes së standardeve më të larta brenda një periudhe 5-10-vjeçare. Kjo do të ishte realiste për shkollën publike, e meqë po flasim për standarde të barabarta, edhe për shkollën private. Fazimi dhe shtrirja në kohë e përmirësimit të standardeve është një praktikë që ndeshet në çdo industri, dhe nuk ka ndonjë arsye të veçantë që arsimi të jetë përjashtim nga rregulli.

3. Më shumë autonomi në burimet financiare dhe lirinë akademike.
Autonomia financiare është parë shpeshherë shumë ngushtë – si një mundësi e disa drejtuesve universitetesh për të shpërndarë më shumë para nga thesi i parave të taksapaguesve, dhe jo të fituara për ndonjë meritë të veçantë, dhe mundësisht pa iu nënshtruar një mbikëqyrjeje publike. Edhe kur diskutohet për reformën financiare të arsimit, i gjithë debati dhe vëmendja fokusohet se si të shmangim aksesin e ofruesve privatë në burimet financiare që shoqëria kontribuon nëpërmjet taksave për “të ndërtuar mendjen e shëndoshë” të kombit. Liria akademike kërkon një ndryshim në perceptimin e rolit të ministrisë, si institucion që vendos standardet dhe kontrollon zbatimin e tyre, dhe jo në një institucion që kërkon të mbajë nën tutelë industrinë. Ka mjaft rregulla që kanë mbetur nga trashëgimia e hershme dhe që me sa duket iu shkon përshtat burokratëve publik. Pushtetin mbi aspektet akademike e kërkimore le ta kenë katedrat e departamentet, këshillat akademikë e senatet e universiteteve.

Read More

Diskutime-ligji-U-mjekesor

Bajram Hysa, Dekani i Fakultetit të Mjeksisë, Universiteti Mjekësor

Dokumente: Projektligji https://drive.google.com/file/d/0BwhcJg8NxarZbnZNemI5YTJoZTg/edit?usp=sharing

Gazeta Panorama, 23.04.2014
 
Në kuadër të përpjekjeve për të reformuar arsimin e lartë, ditët e fundit MAS dhe MSH kanë përgatitur dhe depozituar pranë Komisionit Parlamentar të Edukimit dhe Mjeteve të Informimit në Kuvend, një dokument në formën e një projektligji të ri për arsimin e lartë, që çuditërisht dhe paradoksalisht prek vetëm Universitetin Mjekësor të Tiranës, duke cenuar rëndë parimet e autonomisë universitare. Ky dokument, midis të tjerash, përmban absurditete të tilla, si: “Rektori i emëruar përzgjedh dekanët/drejtorët. Dekani/drejtori i emëruar përzgjedh përgjegjësin e departamentit/qendrës së kërkim-zhvillimit. Përgjegjësi i departamentit përzgjedh përgjegjësin e njësisë mësimore-kërkimore/përgjegjësin e shërbimit etj.”.

Rama: Reforma në arsim do të bëhet me njerëzit e sistemit


Shumëkush e mban mend se më 8 shkurt 2014, Kryeministri Edi Rama prezantoi piketat ku qeveria do të mbështetet për të realizuar reformën në sistemin e arsimit të lartë, një nga pikat kyçe të programit të “Aleancës së Shqipërisë Europiane”. Gjatë një tryeze të organizuar nga Ministria e Arsimit për reformën në arsimin e lartë, zoti Rama tha se për të kaluar në finalizimin e kësaj reforme duhet të ezaurohen një sërë etapash, në shërbim të një arritjeje me perspektivë afatgjatë. “Megjithëse erdhëm në qeverisje me një plan të qartë për reformimin e sistemit arsimor, nuk jemi ngutur, por kemi kërkuar në radhë të parë të bëjmë bashkë një grup ekspertësh sa më larg llogoreve të politikës, për të hapur një debat për reformën në arsimin e lartë, që duhet të jetë së pari debat i njerëzve të sistemit, i të gjithë atyre që brenda sistemit, nesër do të duhet të jetësojnë reformat”, theksoi Kryeministri. “Vetëm pasi ky debat të shterohet dhe të gjitha konsultimet të kryhen, ne do të ulemi në tavolinën e qeverisë për të vendosur mbi draftin e reformës që do ta përgatisë ky komision dhe me të cilin kemi marrë vendimin të jemi në raport po aq të barabartë sa ç’duhet të jenë edhe aktorët e tjerë, pa ushtruar asnjë imponim dritëshkurtër dhe me qëllime afatshkurtra”. Zoti Rama tha se edhe pasi të jenë konsumuar këto faza, drafti nuk do të kalojë në Parlament pa iu nënshtruar më parë një konsultimi të gjerë, ku do të dëgjohen objeksionet e të gjitha grupeve të interesit. Për Kryeministrin, qeveritë e deritanishme nuk kanë arritur t’i japin drejtimin e duhur sistemit arsimor për ta përputhur atë me sistemet e vendeve përreth apo vendeve të Europës ku duam të integrohemi. Sipas tij, pengesë për arritjen e këtij standardi ka qenë edhe udhëheqja e vendit nga diktati i politikës, prandaj shtroi si domosdoshmëri për përmbushjen e një procesi transformimi, vendosjen e një vije të qartë ndarëse mes sistemit dhe llogoreve të partizanërisë politike, siç u shpreh Kryeministri.
Sipas tij: “Skema e re e financimit duhet të reflektojë një qasje të re mbi autonominë financiare dhe administrative dhe duhet të sigurojë konkurrencën e lirë dhe të drejtë brenda sistemit, pa vendosur asnjë bonus që privilegjon publikun mbi privatin dhe pa lejuar privatin që, të qenit subjekt privat ta kthejë në të qenit organizatë fitimprurëse. Na duhet një reformë që të na japë instrumentet për tregues të matshëm të cilësisë së mësimdhënies, volumit dhe cilësisë së punës shkencore dhe inovacionit brenda sistemit”, tha Kryeministri në tryezën e 8 shkurtit.

Po shkelet Kushtetuta, injorohet Karta e Bolonjës!

Atëherë çfarë po ndodh, zoti Kryeministër?! Ky projektligj, që rikthen diktaturën, është udhërrëfyesi për të arritur praktikat më të mira ndërkombëtare? Kjo është strategjia për rilindjen e arsimit të lartë në Shqipëri? Ky është vizioni afatgjatë që do të përcaktojë rrugën drejt arritjes së qëllimeve në përsosjen e arsimit kombëtar?! Ky s’është veçse një kurth tragjikomik! Është depersonalizim i dukshëm i demokracisë, i autonomisë universitare dhe i standardeve europiane të arritura në sistemin e arsimit të lartë. Legjislacioni arsimor kombëtar duhet të bëhet vetëm sipas Kushtetutës së vendit (neni 100) dhe standardeve ndërkombëtare. Problemet në arsimin e lartë, veçanërisht në Universitetin e Mjekësisë, janë diagnostikuar prej kohësh, ndaj strategjia e re duhej të premtonte të përmirësonte problemet e dukshme. Politikat e arsimit mund të ndërtohen dhe zbatohen vetëm përmes pjesëmarrjes së të gjitha palëve të interesuara (qeverisë, studentëve, institucioneve të arsimit të lartë etj.). Ky duhej të ishte përforcimi bazal që duhej bërë në ligjin e ri. Dokumenti në fjalë duhej të theksonte nevojën për më shumë llogaridhënie dhe transparence, si fusha kryesore të identifikuara që kanë nevojë për përmirësim.

Strategjia kombëtare për arsimin e lartë


Arsimi i lartë dhe kërkimi shkencor në Shqipëri, me gjithë përpjekjet e të paktën 15 viteve të fundit, nuk janë akoma në standardet ndërkombëtare. Ligji i ri për arsimin e lartë (2007) ka qenë një hap i rëndësishëm përpara për përmirësimin e sistemit, por shënoi vetëm fillimin. Politikat për prioritetet strategjike të qeverisë së re duhet të ishin në pajtueshmëri me prirjet kryesore të zhvillimit të arsimit të lartë në Europë dhe në botë, dhe në veçanti, me procesin e Bolonjës; qëllimi i këtyre politikave duhej të ishte përmirësimi i arsimit të lartë, që Shqipëria të zërë vendin që i takon brenda Hapësirës Europiane të Arsimit të Lartë (HEAL). Strategjia duhet të pasqyronte vizionin e Qeverisë për politikat afatmesme dhe afatgjata. Në të duhet të ishin përfshirë sugjerimet e botës akademike dhe të grupeve të interesit brenda vendit, si dhe të ekspertëve dhe zyrtarëve të lartë të Këshillit të Europës. Projektligje të tilla, të përgatitura me inat e ngut, nuk u përgjigjen zhvillimeve të kohës. Duhet të pranohet se specialistët e angazhuar nga zonja ministre e Ministrisë së Arsimit dhe Sportit dhe aq me tepër personalisht ministri i Shëndetësisë (që angazhohet në një proces jo aq të justifikuar), kanë kapacitet të kufizuar analitik për të zhvilluar politikat strategjike për arsimin e lartë dhe kërkimin shkencor. Ndoshta ngaqë nuk e njohin mirë sistemin. Ndryshe nuk ka si shpjegohet përgatitja e një projektligji kaq zhgënjyes, i cili në vend të lirisë akademike, preferon tutelën dhe diktatin, në kushtet kur presim të marrim statusin e vendit kandidat në BE.

Ligji aktual i arsimit të lartë


Pas vendosjes së demokracisë në Shqipëri janë miratuar disa ligje për arsimin e lartë: ligji nr. 7810, “Për arsimin e lartë në Republikën e Shqipërisë”, datë 06.04.1994; ligji nr. 8461, “Për arsimin e lartë në Republikën e Shqipërisë”, datë 25.02.1999; ligji nr. 9120, “Për disa ndryshime në ligjin nr. 8461, datë 25.2.1999, ‘Për arsimin e lartë në Republikën e Shqipërisë’” datë 28.7.2003; ligji nr. 9576, datë 3.07.2006, “Për disa shtesa dhe ndryshime në ligjin nr. 8461, datë 25.02.1999, ‘Për arsimin e lartë në Republikën e Shqipërisë’”. Të gjitha këto ligje u japin më shumë liri akademike, administrative dhe financiare universiteteve dhe garantojnë zgjedhje të lira për stafin drejtues.
Ndër aspektet më të rëndësishme të përmbajtjes së ligjit për arsimin e lartë, ligji i viti 1999, nga i cili në ligjin në fuqi përfshihen mbi 40 nene, mund të veçohen: misioni i formimit të specialistëve të lartë dhe i përgatitjes së shkencëtarëve të rinj, liria akademike në mësimdhënie dhe në kërkimin shkencor. Liria akademike materializohet në respektimin e opinioneve, të ideve e të metodave dhe në garantimin e zhvillimit të lirë, kritik e krijues të mësimdhënies e të kërkimit shkencor, larg çdo ndikimi politik.


Shkollat e larta publike civile janë institucione autonome


Politikëbërësit dhe legjislatorët, përpara se të ndërmarrin iniciativa të tilla, duhet të këshillohen me drejtuesit universitarë, pedagogët dhe studentët, duke respektuar sovranitetin unik të secilit. Duke vepruar në favor të interesave të përbashkëta. Universiteti është institucioni më i përparuar, i cili u paraprin çështjeve demokratike e kombëtare. Ai shtron kritika dhe analiza të paanshme ndaj shoqërisë. Si i tillë, ai duhet të jetë patjetër autonom. Ndër aspektet më të rëndësishme të kësaj autonomie është që personeli akademik ka të drejtë të zgjedhë në mënyrë të pavarur e të zgjidhet në organet drejtuese të shkollës së lartë. Arsimi i lartë, kjo pasuri e madhe kombëtare, duhet të mbështetet në devizën “të mësojmë të ndërmarrim iniciativa”. Ndryshe, fatet e demokracisë nuk mund të jenë të qëndrueshme. Autonomia universitare edhe kështu siç është duket e pamjaftueshme, jo më të rrudhet e zhduket fare.
Rritja e saj duhet të balancohet me më shumë llogaridhënie ndaj faktorëve të jashtëm; me një menaxhim të brendshëm më të mirë dhe më transparent. Ajo duhet të ndihmojë zhvillimin ekonomik të vendit, nëpërmjet njerëzve të kualifikuar dhe njëkohësisht të ndihmojë edhe zhvillimin e rretheve të vendit. Të plotësojë aspiratat e të rinjve për arsimim, duke u siguruar atyre mundësinë e shanseve për të gjithë.
Ndër sfidat më të rëndësishme, për gjithë sistemin e arsimit të lartë, duhet të jenë: përfshirja sa më e shpejtë dhe e suksesshme në ritmet e reformimit të këtij sistemi, sipas modelit të shkollave europiane, duke ndjekur procesin e Bolonjës; përfshirja e tyre në konkurrencën rajonale dhe europiane për cilësinë.

Qëllimi dhe arritjet e Fakultetit të Mjekësisë

Prej 2 vjetësh në drejtimin e Fakultetit të Mjekësisë ka qenë një nga objektivat e mi liria sa më e gjerë akademike, përfshirja aktive e të gjithëve, e Profesoratit të nderuar, e të gjithë trupës pedagogjike, studentëve të të gjitha cikleve, stafit administrativ dhe mbështetës, në vendimmarrje dhe projektet zhvillimore. Qëllimin që Fakulteti i Mjekësisë të shërbejë si një qendër e përhershme e kërkimit shkencor, e formimit mjekësor dhe intelektual, e kemi realizuar bashkërisht, sepse thuajse të gjithë pedagogët janë pjesë e bordeve, komisioneve, këshillave, Redaksisë së Buletinit dhe Këshillit të Fakultetit. Ishin këta profesorë dhe pedagogë të nderuar që më besuan me votë plebishitare drejtimin e Fakultetit të Mjekësisë, me një mandat të qartë – ndryshimin – dhe jam krenar të deklaroj se ndryshimi tashmë ka ndodhur! Kushdo e shikon këtë ndryshim cilësor shumëdimensional sapo kalon pragun e godinës së Fakultetit të Mjekësisë; sapo hyn në Sekretarinë e Dixhitalizuar Mësimore, kur frekuenton mjediset e informatizuara të bibliotekës; sallat bashkëkohore në Godinën e Lëndëve Paraklinike, e mbi të gjitha e ndien në fytyrat dhe sytë e studentëve tanë, të cilët, falë rritjes së bashkëpunimit ndëruniversitar me vendet perëndimore, e gjejnë veten tashmë studentë të Europës.
Sot shoqëria moderne, më shumë se individët, vlerëson programet e tyre. Kjo përbën një sfidë strukturore për institucionet universitare. Programi zhvillimor i Fakultetit të Mjekësisë është përmbushur me kryefjalë cilësinë. Pasurimi, rifreskimi dhe ristrukturimi i kurrikulës universitare mjekësore ka hyrë në rrugë të mbarë dhe ndryshimet janë konkretizuar. Projektet me universitetet e Versajës, Novarës, Romës, Roterdamit, Mynihut etj. kanë mundësuar shkëmbimet universitare të dhjetëra studentëve, mjekëve dhe pedagogëve me standardet e Bashkimit Europian.
Fakulteti i Mjekësisë përpiqet të zbatojë një politikë të përcaktuar mirë, sidomos lidhur me vlerësimin e personelit universitar, me formimin e tyre akademik e pedagogjik dhe me mundësitë e lëvizjes së tyre për specializime të herëpashershme jashtë vendit dhe efektet janë të dukshme. Rreth 150 punime dhe artikuj shkencorë të stafit tonë janë botuar në 75 revista dhe periodikë shkencorë ndërkombëtarë me faktorë impakti. Lajtmotivi ynë shkencor akademik mbetet niveli i lartë cilësor i mësimdhënies dhe kërkimit shkencor dhe transformimi i Fakultetit të Mjekësisë në një qendër akademike ekselence, jo vetëm për Shqipërinë, por për gjithë hapësirën shqipfolëse në Ballkan.

Read More

Universiteti-mjekësor

Dokumente: Projekt-ligji për arsimin e lartë, Mars, 2014.

Një ligj për Universitetin Mjekësor

A.Ç, Gazeta Shqiptarja.com, 21 Prill, 2014 “Ndryshojnë kriteret për zgjidhjen e shefave të shërbimeve spitalor”

TIRANE - Ndryshojnë procedurat se si do të zgjidhen shefat e shërbimeve në qendrat spitalore universitare. Ministri i Shëndetësisë, Ilir Beqaj dhe ajo e Arsimit, Lindita Nikolla, kanë shpjeguar në Komisionin e Medias, ku u paraqit projektligji i ri i arsimit të lartë, se pas kaosit që kanë gjetur, tashmë po synohet të futet në hulli edhe kriteret e atyre që do të përzgjidhen në krye të shërbimeve spitalore. Drafti i ri parashikon që tashmë një shërbim i ri nuk do të krijohet vetëm në bazë të numrit të shtretërve, por edhe numrit të operacioneve dhe vizitave. "Është keqkuptuar apo me dëshirë në disa raste abuzohet për faktin pse emërime dhe jo zgjedhje. Sigurisht nuk prekin parimin e zgjedhjeve, padyshim edhe ndryshimet në projektligj. Kjo pra ka të bëjë me një faze tranzitore me përgatitjen e rregullores së zgjedhjeve dhe kalimin në procedura zgjedhore për të gjithë njësitë e reja që krijohen në bazë tëndryshimeve të këtij projektligji. Kushtet e shërbimit në qendrën spitalore “Nënë Tereza” bëjnë që kjo qeveri të mos presë asnjë ditë për të përmirësuar apo ndërhyrë në mënyrë urgjente edhe në këtë fazë tranzitore qoftë në përsosjen e cilësisë në universitetin mjekësor, po ashtu e lidhur ngushtë me cilësinë e shërbimit në qendrën spitalore “Nënë Tereza." tha ministrja Nikolla Ndërkohë ministri i SHëndetësisë Ilir Beqaj ka bërë të ditur po ashtu se nuk bëhet fjalë për ndërprerje të mandateve për të zgjedhurit aktuale, por poer departamentet e reja qe do krijohen. Për herë të parë ministri i Beqaj, ka folur edhe për çështjen e universitetit të mjekësisë, duke e konsideruar atë të nxituar.

Analizë nga TRITAN SHEHU

Panorama, 14 Prill, 2014
Këto ditë do të fillojë diskutimi në komisionet e Kuvendit të projektligjit për disa ndryshime në Ligjin për Arsimin e Lartë, e lidhur kjo vetëm me pjesën mjekësore të tij. Ndodh ky zhvillim mbas rikonsolidimit të mendimit mbi vazhdimin e ekzistencës së Universitetit Mjekësor, element ky pozitiv. Është ky konfirmim që u pasua me emërimin e rektorit të ri, i cili tashmë duhet ta çojë atë institucion ne procesin e brendshëm zgjedhor për atë post.
Për hir të së vërtetës dëshiroj të theksoj se ky proces zgjedhor duhej të ishte realizuar disa muaj përpara, sipas afateve kohore të përcaktuara në vitin 2013. Sistemi ynë universitar nuk ka pse të afektohet dhe të kondicionojë ecurinë e tij nga evenimentet politike në vend, qofshin këto dhe zgjedhje parlamentare. Megjithatë, ky tashmë është një realitet i kryer. Ndërsa e porsafilluar është pikërisht procedura për miratimin e atyre ndryshimeve ligjore të kërkuara nga Këshilli i Ministrave.
Dhe mbi këto unë do të dëshiroja të nxisja një diskutim të domosdoshëm këto ditë nga kolegët, profesorati ynë, drejtuesit e atij Universiteti, fakulteteve të tij, nga të gjithë ata që njohin funksionimin e atij mekanizmi, ku ndërthuret didaktika me klinikën, kërkimin shkencor me organizimin shëndetësor, për të përgatitur specialistë e rrezatuar më tej në tërë shërbimin shëndetësor shqiptar.

Një Universitet Mjekësor dhe Qendra Spitalore Universitare ndryshojnë në shumë kolona nga fakultetet e tjera apo nga spitalet e zakonshme. Në këtë rast janë ndërthurjet e mësipërme midis tyre, të veçanta këto, të komplikuara, por dhe të domosdoshme, që duhet të pasqyrohen qartë e fortë në format e organizimit, kriteret e zgjedhjes së personelit, statutet e tyre, ligjet për ato etj. Dhe pikërisht kjo imponon diskutime të gjera për ndryshimet që propozohen.

Së pari, unë do të mendoja se këto ndryshime nuk ka pse të kryhen kështu me shpejtësi. Ato mund të përgatiteshin qoftë dhe paralelisht me rishikimin e elementeve të ndryshëm të Arsimit të Lartë, pa dyshim e përforcuar kjo me diskutime e ballafaqime midis specialistëve më të mirë të fushës universitare mjekësore.

Së dyti, duke lexuar draftin e ndryshimeve të kërkuara, konstaton se aty kërkohet të ndërhyhet edhe në çështje thelbësore, pa qëndruar vetëm te ndonjë “urgjence”. P.sh., dhe unë këtë e konsideroj pozitive si koncept, kërkohet të kthehemi përsëri të struktura e “departamentit”, siç ka qenë në ligjin e vitit 2007. Por, nga ana tjetër, në këtë rikthim racional, ndoshta nga “nxitimi”, harrohet se kjo është një strukturë që ka ekzistuar pak vite më përpara me modalitet e saj. Këto fillonin që nga mënyra e zgjedhjes nga e gjithë trupa didaktike me votim të fshehtë e drejtuesit, e bazuar kjo mbi kritere profesionale të qarta, konform kërkesave të risive të Bolonjës. Këtu unë dëshiroj të theksoj se në Universitetin Mjekësor në tërësi janë të gjitha konditat dhe kapacitetet që riaktivizimi i drejtë i departamenteve, kurdoherë që të bëhet kjo, të shoqërohet që në fillim dhe menjëherë me zgjedhjen e drejtuesve të tyre dhe jo me emërime, pra jo me cungime të cilësisë e demokracisë universitare.

Në fakt, këto cungime nuk janë vetëm për këtë pjesë, por siç duket, përbëjnë një “nuancë” në këtë projektligj tiparin e tretë të tij. Kjo gjë shprehet dhe në mënyrën e përzgjedhjes së shefave të shërbimeve mjekësore. Në draft mungojnë kriteret për këtë proces, që ishin të vendosura në ligjin ekzistues. Këto dhe mund të përmirësohen, por duhet të vendosen në ligj. Po kështu, projektligji eliminon sanksionimin e të drejtës së aplikimit të lirë të konkurrentëve mbi këto kritere, e drejtë që prej vitesh po aplikohet te ne. Në të vërtetë, ky orientim jo zhvillues spikat dhe në ndryshimet e mëtejshme, që kërkon të bëjë ky draft ligjor. Ai heq gjithashtu dhe komisionet e konkurrimit së bashku me të gjitha proceset e konkurrimit për të gjitha nivelet e drejtimit. Qartësisht, diçka e tillë nuk mund të sjellë asgjë të mirë, përkundrazi. Unë do ta konsideroja këtë një hap të dukshëm prapa për këtë pjesë të sistemit tonë universitar e klinik, qoftë për sa i përket rritjes së cilësisë, lirisë e autonomisë së institucionit.

Dhe jo vetëm kaq, së katërti këto mënyra perceptimi të organizimit të atyre njësive, së bashku me ndryshimet e disa funksioneve të propozuara për ato, i largojnë shërbimet mjekësore në fjalë nga fusha didaktike. Të mos harrojmë se në një qendër universitare-mjekuese kolonat didaktike e ato klinike janë të ndërthurura ngushtë me njëra-tjetrën, lidhja Universitet – Spital Universitar është e pandashme.

Së pesti, janë ndryshimet që i bëhen në projektligj ndërtimit të Bordit të QSUT, që e deformojnë dhe më shumë atë në funksion. Bordi është aktualisht një strukturë qendrore e thelbësore rregulluese për proceset mjekësore, shkencore, përzgjedhjes së drejtuesve të specialiteteve etj., pra edhe të mësimdhënies. Ky Bord sot lë për të dëshiruar në nivelin struktural të tij përballë detyrave komplekse që ka. Jam krejt dakord që kjo duhet përmirësuar. Por fatkeqësisht, modeli i përbërjes strukturale dhe ndryshimi i disa funksioneve të tij të vendosura në këtë projekt nuk e çojnë në drejtimin e duhur. Këto e largojnë nga shtrati i tij universitar e didaktik, pa u përmirësuar qoftë dhe ekspertiza klinike apo shkencore në këtë strukturë. Nga ana tjetër, abrogimi i funksionit përzgjedhës përfundimtar të Bordit ndaj shefave të shërbimeve, zbeh së tepërmi dhe rolin e Ministrisë së Shëndetësisë në Qendrën Universitare Spitalore, duke krijuar kështu një amulli të pakuptimtë. I gjithë ky devijim në ndërtimin e këtij Bordi fryn erë populizmi, e mund të krijojë dëmtime të mëtejshme të veprimtarisë së kësaj Qendre kaq të rëndësishme, të një niveli shumë të lartë mësimor, mjekues, shkencor e organizativ, në rrafsh vendi në tërësi. Një qendër e tillë universitare mund e duhet të ketë dhe struktura të tjera ligjore, të pajtueshme këto për përfaqësime më të gjera, të dobishme, ashtu si mendoj që kërkohet të arrihet.

Për parantezë dua të theksoj me këtë rast se gjithashtu me duket shumë i çuditshëm zëvendësimi i nxituar i emrit të Fondit të Sigurimeve Shëndetësore në atë Bord me një term, që me vështirësi mund të deshifrohet. Të mos harrojmë se ky Fond akoma fatmirësisht vazhdon të ekzistojë me sukses në vendin tonë! (“Sigurimet” nuk janë “herezi”)!!!

Dhe së fundmi dëshiroj të evidentoj veçanërisht një përbërës konkluziv të këtij drafti, pasojë ky e asaj “nuance” shqetësuese që e përshkon atë dokument. Universiteti Mjekësor përbëhet pothuaj krejtësisht nga bashkimi i disa fakulteteve ekzistuese me tradita të shkëlqyera dhjetëravjeçare. Aktualisht aty dhe në strukturat e tij spitalore ka dekanë të zgjedhur me votim të përgjithshëm të fshehtë, shefa shërbimesh mjekësorë e deri të n/drejtorë të QSUT të përzgjedhur mbi bazën e një konkurrimi (pavarësisht nga objeksionet praktike që dikush mund të ketë). Të gjithë këta janë të mbrojtur në ligjin ekzistues. Ndërsa drafti ligjor i propozuar pa bërë asnjë specifikim konfirmon që rektori “përzgjedh” dekanët, ata “përzgjedhin” shefat e departamenteve, të cilët më tej “përzgjedhin” drejtuesit e shërbimeve. Kjo të krijon ndjesinë revolucionare, sikur sot të ishim në “vitin zero”! Nga ana tjetër, në këtë mënyrë hapet rruga ligjore që mund të çojë në një piramidë drejtuese akademike, shkencore, klinike e administrative krejtësisht të emëruar, ndërprerje arbitrare të mandatit te atyre që janë zgjedhur, largim në përgjithësi nga procesi zgjedhor, duke krijuar kështu një precedencë të rrezikshme dhe një goditje për atë institucion, për sistemin universitar në tërësi dhe për vetë procesin tonë të Bolonjës.

Këto ishin arsyet që më shtynë mua të mendoj se do të ishte më dobiprurëse që miratimi i këtij projektligji aktualisht të shtyhej. Ai të realizohej pas një diskutimi të gjerë, profesional, të hapur, gjithëpërfshirës. Kjo gjë mund të bëhet qoftë dhe pa u ndarë ky nga diskutimi e përpunimi i ndryshimeve të mundshme e të përgjithshme në Ligjin për Arsimin e Lartë në tërësi. Pa dyshim kjo në bashkëpunim të ngushtë me specialistë të shquar të strukturave shëndetësore

Read More

Politizimi

Politika në universitete publike.

(publikuar tek Peizazhe.com, nga autori)

Rektori i Universitetit të Prishtinës dha dorëheqje nën trysninë e revoltave studentore. Në hapësirën shqiptare është hera e parë që studentët të revoltohen ndaj politizimit të drejtuesve në institucionet e arsimit dhe pasojave që kanë sjellë ndërhyrjet mbi cilësinë.

Zakonisht në Shqipëri problemi ka qenë mobilizimi i studentëve për qëllimet politike të dy partive kryesore, derisa të dyja partitë ranë dakord ta depolitizojnë universitetin me ndërhyrjet në ligjin e arsimit të lartë (2007). Në ligj u ndalua angazhimi politik i Këshillave Studentorë (Neni 55) dhe morri fund tradita e pas-dhjetorit të viteve ’90 ku studentët mobilizoheshin në greva urie me porosi të dy kampeve.

Por ndërhyrja e pushtetit politik u përqëndrua në drejtimin e universiteteve publike. Nëse do të bënim një shkrepje të momentit për situatën aktuale në Shqipëri vërejmë se në 14 institucione publike (shih tabelën), vetëm në katër prej tyre nuk mund të evidentohet ndërhyrja politike në zgjedhjen e rektorit apo drejtuesit.

Rektorët janë figura të rëndësishme publike dhe për partitë politike mishërojnë një kapital social që gjeneron vota të konsiderueshme. Por ndërhyrjet politike në zgjedhjen e rektorëve kufizojnë autoritetin dhe kapacitetet e drejtuesve për të drejtuar në mënyrë efikase dhe konform ligjit. Ndërhyrja e politikës krijon varësira, të cilat kushtëzojnë ndjeshëm funksionimin e rektoratit në procedurat e rekrutimit dhe të promovimit të akademikëve (ndikimet joformale në vendimmarrje). Gjithashtu, ndërrimet e pushtetit qëndror politik mund të ndëshkojnë rektorin dhe rrjedhimisht universitetin, duke ja përcjellur koston studentëve.

Nga ana tjetër universiteteve u përshtatet një rektor që ka marrëdhënie positive me qeverinë e që mundëson rritjen e fondeve për investime kapitale (rritjen e hapësirave fizike të universitetit), në burime njerëzore (rritjen e numrit të pedagogëve). Personeli akademik gjendet në një pozicion më të volitshëm nëse ka një rektor të favorizuar nga politika (p.sh. në një qytet bastion të një partie apo të kontestueshëm).

Sidoqoftë, në tërësi ky ndikim nuk ka rezultuar pozitiv, sidomos kur sapo u ndërrua pushteti, disa rektorë, kandidatë për deputetë të PD-së, janë përballur me akuza nga mediat dhe policia.

Më poshtë paraqiten disa prej akuzave ndaj drejtuesve aktualë:

1. U-Elbasanit: Ndjekje penale ndaj Prof. Dr. Liman Varoshit për favorizim të një subjekti në procedurat e prokurimit të shërbimeve jo-akademike.

2. U- Tiranës : Akuza ndaj rektorit Prof. Dr. Dhori Kule nga gazeta Panorama për abuzime me financat e universitetit bazuar mbi raportet e Kontrollit të Lartë të Shtetit. Profesor Hysamedin Feraj akuzon Dhori Kulen për tejkalim kompetencash dhe paaftësi për drejtimin e institucionit, duke vërejtur se shkak për këtë janë edhe lidhjet e tij politike.

3. U - Gjirokastrës: Rektori Prof. Dr. Gëzim Sala është nën hetim për “shpërdorim detyre” dhe “falsfikim dokumentash”, por kjo çështje u pushua më vonë nga prokuroria.

4. U – Vlore: Rektorit Prof. Asoc. Albert Qarri i digjen dy makinat.

5. U- Sporteve: I vidhet zyra, shkak luftërat e brendshme pasi zgjedhja e tij si rektor ishte perceptuar si e paligjshme.

6. U-Arteve: Rektori akuzohet për parregullsi në procedurat e rekrutimit.

7. Akademia e Shkencave: Akuza nga anëtarët Jorgaq Kacani, Dëfrim Shkupi etj. se ish-Kryeministri Berisha ka ndërhyrë në zgjedhjen e tij si kryetar.

8. Në vitin 2012 u ndryshua ligji i arsimit të lartë me nismë të LSI për të lejuar rektorët aktualë të kandidonin një mandate të dytë. Përfituan nga ky ndryshim universitetet e Tiranës, Gjirokastrës, Korçës dhe Elbasanit.

 

 

Universiteti	Rektori/Kryetari	Partia	Funksioni partiak
USH	Artan Haxhi	PD	Kryetar i Bashkisë Shkodër 2003
U-Tiranë	Dhori Kule	PD	Anëtar i Këshillit Kombëtar / Kandidat per Deputet
U-Elbasan	Liman Varoshi	PD	Kandidat për deputet 2013
U – Gjirokastër	Gezim Sala	X	-
U-Durrës	Mit’hat Mema	X	-
U-Vlorë	Albert Qarri	X (LSI?)	-
U-Korçë	Gjergji Mero	PD	Kandidat Kryetar Bashkie – 2013
U-Politeknik	Jorgaq Kacani	X	-
U-Arteve	Petrit Malaj	PS	Anëtar i Asamblesë
U-Mjeksisë	Jera Kruja	PD	Kandidate për deputete
U – Bujqësi	Fatos Harizaj	X	-
U – Sporteve	Vesel Rizvanolli	PD	Anëtar i Këshillit Bashkiak – 2011
Qendra e Studimeve Albanologjike	Ardian Marashi	?	-
Akademia e Shkencave	Myzafer Korkuti	X (PD?)	-

Read More

Universiteti-Mjekësor-II

Ledjana Saliu, Gazeta Telegraf, 21 Prill 2014

Protesta e studenteve kundër cenimit të autonomisë universitare

Protesta e studenteve kundër cenimit të autonomisë universitare

Rreth 5000 studentë të fakulteteve të Mjekësisë dhe Shkencave Mjekësore Teknike sot do të bojkotojnë mësimin në formë proteste për të kundërshtuar projektligjin e ri që do të fillojë të diskutohet, po sot në Komisionin Parlamentar të Edukimit dhe Mjeteve të Informimit Publik. Në fakt studentët e mjekësisë e kanë parashtruar përshkallëzimin e revoltës së tyre në protesta, në një letër dërguar Kryeministrit z. Edi Rama, nëse nuk do të merrnin asnjë përgjigje pozitive për kërkesat e tyre. Në letrën dërguar Kryeministrit, studentët e mjekësisë kishin parashtruar problematikat e Universitetit të Mjekësisë, sipas të cilëve “më shumë po krijon burokraci se sa i zvogëlon. Më shumë po rrit fondet e shpërdorimit të taksave tona se sa këto të ardhura vihen në dobí. Më shumë po rriten numrat e dekanëve dhe zv/dekanëve artificialë dhe nuk po rritet numri i pedagogëve, laboratorëve, klasave”. Studentët i kanë kujtuar Kryeministrit premtimin e tij: “Ne përgëzuam iniciativën tuaj në zgjedhje, atë të rikthimit të Universitetit të Mjekësisë, aty ku ishte më parë, në atë traditë e histori 60-vjeçare. Mos harroni se ky premtim i juaji sugjestionoi votën e shumë studentëve të mjekësisë, dhe ky është një detyrim edhe më i madh që ju bie të zgjidhni”.

Kjo protestë vjen sot, më shumë se një vit nga krijimi i Universitetit të ri të Mjekësisë. Po sot nis diskutimi në komisionet e Kuvendit të projektligjit për disa ndryshime në Ligjin për Arsimin e Lartë, e lidhur kjo vetëm me pjesën mjekësore të tij. Ky projektligj parashikon emërime të drejtuesve të tyre dhe jo zgjedhje të tyre me votë, pra kemi të bëjmë me cungime të demokracisë universitare. Ky është një hap prapa për këtë pjesë të arsimit të lartë, përsa i përket lirisë e autonomisë së institucionit. Universiteti Mjekësor përbëhet nga bashkimi i disa fakulteteve ekzistuese me tradita të shkëlqyera në Universitetin e Tiranës. Aktualisht, aty ka dekanë të zgjedhur me votim të fshehtë, shefa shërbimesh mjekësorë të QSUT të përzgjedhur mbi bazën e një konkurrimi, të cilët janë të mbrojtur në ligjin ekzistues. Ndërsa drafti i ri parashikon që rektori “përzgjedh” dekanët, ata “përzgjedhin” shefat e departamenteve, të cilët më tej “përzgjedhin” drejtuesit e shërbimeve. Në këtë mënyrë krijohet një precedent për emërime të drejtuesve në arsimin e lartë si dhe ndërprerje arbitrare të mandatit te atyre që janë zgjedhur me votë të fshehtë e të lirë, duke goditur në këtë mënyrë lirinë e sistemit universitar.

Njoftimi

Rreth 5000 studentë të fakulteteve të Mjekësisë dhe Shkencave Mjekësore Teknike sot do të bojkotojnë mësimin në formë proteste për të kundërshtuar fortësisht projektligjin e ri që do të fillojë të diskutohet, po sot në Komisionin Parlamentar të Edukimit dhe Mjeteve të Informimit Publik. Këshilli Studentor si organizator i kësaj proteste bën të ditur se projektligji i ri për arsimin e lartë prek vetëm Universitetin Mjekësor Tiranë duke cenuar rëndë autonominë universitare. E pabesueshme sesi guxohet sërish të cenohet autonomia e Universiteteve duke rikthyer politikën e emërimeve si ne kohën e “shokëve të Partisë së Punës” që me terma më të moderuara mund ta quajmë koha e “miqve me interesa te përbashkëta”. Duam t’iu kujtojmë se me këto emërime po na prekni drejtpërdrejtë edhe ne studentet ku “profesorët e emëruar” automatikisht do të jenë përgjegjës të lëndëve dhe vlerësuesit e performancës tonë akademike, madje edhe më tepër siç janë komisione të ndryshme si ato të specializimeve dhe dhënieve të titujve në të ardhmen. Për ne është e papranueshme ajo që synon projektligji i ri, sipas të cilit: “Rektori i emëruar përzgjedh dekanët/drejtorët. Dekani/drejtori i emëruar përzgjedh përgjegjësin e departamentit/qendrës së kërkim zhvillimit. Përgjegjësi i departamentit përzgjedh përgjegjësin e njësisë mësimore-kërkimore/ përgjegjësin e shërbimit”. Diktaturë !!! Ku në mënyrën më të turpshme, edhe njëherë tjetër, që nga momenti i krijimit të këtij institucioni dhunohet në mënyrë barbare e drejta dhe e vetmja forcë që studentet kanë, VOTA, duke na shmangur nga vendimmarrja dhe duke deformuar rëndë demokracinë në Universitet! Kjo që këta hartues të këtij projektligji duan të bëjnë, është më tepër se një gabim, ky është një KRIM që po i bëhet sistemit arsimor shëndetësor dhe atij mjekësor Shqiptar duke zëvendësuar si koncept “meritokracinë” me “servilizmin” dhe sahanlëpirjen ndaj eprorit që ka në dorë emërimin. Ne si studentë i lutemi këtij komisioni që ta shqyrtojë këtë projektligj me shumë përgjegjësi dhe maturi, duke respektuar në radhë të parë autonominë universitare dhe dinjitetin e studentëve të këtij Universiteti dhe të shmangë një precedent, jashtëzakonisht negativ që nuk e ka parë historia e pas viteve ‘90 në asnjë Universitet të Shqipërisë. Këtij Bojkoti do t’i bashkohen dhe një pjesë e madhe e pedagogëve tanë. Të reagojmë të gjithë! Disa nga kërkesat që duam të shqyrtohen nga institucionet përkatëse janë si më poshtë. Ajo që ne kërkojmë është:

1-Autonomia Universitare

2-Të pajisemi me diplomat tona, të cilat na mohohen prej një viti, duke na mbajtur me premtime të kota që do zgjidhet ky problem

3-Të mos zëvendësohen të Mandatuarit me të Komanduar: Një e drejtë Demokratike e fituar nga Studentët e Dhjetorit nuk mund të zëvendësohet me emërime

4-Kërkesat klienteliste duhet t’i plotësoni në vende të tjera dhe JO në ambiente edukimi universitar

5-Të shkojmë në Europë me Demokraci dhe Liri Akademike dhe jo me emërime si Venezuela dhe të tjera vende të botës së tretë

Fakti është që Ligji i Arsimit të Lartë do të kalojë për një muaj në Parlament; atëherë pse nxitohet të bëhen ndryshime në Universitetin e Mjekësisë së Tiranës?!

Këto kërkesa ua kemi bërë të ditur: Komisionit për Edukim dhe Mjetet e Informimit Publik; Ministres së Arsimit, Znj. Lindita Nikolla; Rektorit të Universitetit të Mjekësisë dhe Dekanëve të Fakulteteve përkatëse si dhe të gjithë trupës pedagogjike.

Jonel Ngjelina, Senator i vitit 6, Fakulteti i Mjekësisë

Taulant Basha, Kryetar i Këshillit studentor të Fakultetit të Shkencave Mjekësore Teknike

Kërkesat e studentëve

1-Autonomia Universitare

2-Të pajisemi me diplomat tona, të cilat na mohohen prej një viti, duke na mbajtur me premtime të kota që do zgjidhet ky problem

3-Të mos zëvendësohen të Mandatuarit me të Komanduar: Një e drejtë Demokratike e fituar nga Studentët e Dhjetorit nuk mund të zëvendësohet me emërime

4-Kërkesat klienteliste duhet t’i plotësoni në vende të tjera dhe JO në ambiente edukimi universitar

5-Të shkojmë në Europë me Demokraci dhe Liri Akademike dhe jo me emërime si Venezuela dhe të tjera vende të botës së tretë

Prof.dr. Dhori Kule: E drejta zgjedhore nuk mund të cenohet, ndryshe universitetet ndikohen nga politika

Një nga elementët që po hasin më shumë diskutim në grupin e punës të ngritur për reformën në Arsimin e Lartë është pikërisht procedura e emërimit apo ajo e zgjedhjeve të organeve që drejtojnë strukturat e universiteteve. Rektori i Universitetit të Tiranës, prof.dr. Dhori Kule shpreh bindjen se në Shqipëri e ka fituar të drejtën e qytetarisë absolute procedura zgjedhore. Sipas prof Dhorit, ajo nuk mund dhe nuk duhet të cenohet. Për të sqaruar problematikën e cenimit të procedurës zgjedhore, prof Kule citoi modelin e Prishtinës si universiteti që kishte në funksionimin e vet ndikimin e politikës. “Fatmirësisht në Shqipëri Kushtetuta, ndryshe nga vendet e tjera, i ka dhënë autonomi universiteteve dhe procedura zgjedhore e çliron nga ndikimi politik, pavarësisht preferencave politike që mund të kenë individët” shprehet rektori i9 UT-së. Ndërsa porsa i përket trupës zgjedhore, prof. Kule mendon se ajo duhet të jetë gjithëpërfshirëse. “Edhe pse ka mendime që të mos jenë studentët, unë jam i mendimit që studentët duhet të jenë si pjesë e trupës zgjedhore për autoritetet e organeve drejtuese, sepse nuk janë konsumatorë të thjeshtë, studenti nuk është votues i rëndomtë, është një votues përzgjedhës”, shprehet prof. Kule.

Rektori i Universitetit të Mjekësisë, sërish me emërim

“Përsa i përket emërimit të rektorit, natyrshëm, unë nuk jam për emërime drejtuesish. Vetë autoritetet drejtuese duhet të kërkojnë vetëbesimin. Ligji me të vërtetë e parashikon emërimin në një universitet të ri, por në gjykimin tim ajo nuk është strukturë e re, është strukturë që ishte, që funksiononte. Pra zgjedhja në vetvete dhe marrja e votëbesimit është fuqi drejtimi, është fuqi besimi nga ata që ti do të drejtosh” shprehet prof. Kule. Megjithatë, rektori i UT-së dëshiron që në Universitetin e Mjekësisë të funksionojë çdo gjë mirë, pasi sipas tij është universiteti, ku përgatiten specialistë tek të cilët do të trokasim të gjithë.

Read More

UT-konflikt-media

 Universiteti i Tiranës fiton betejën

Dokumente: Grumbull artikujsh të cituar

5 Dhjetor, 2013, Shqiptarja.com
Sipas Gazetës Shqiptarja.com “Ministri Arben Ahmetaj ka anuluar kontratën e lidhur në gusht të këtij viti nga qeveria Berisha në ikje, me të cilën i jepej një universiteti privat konvikti i Gjuhëve të Huaja në kryeqytet, duke ja hequr atë Universitetit të Tiranës.”

Dhori Kule, Rektori i UT në sulm frontal nga institucionet private

(nga Peshkupauje, 10 Korrik 2012, shkruar nga arsimi.info/bulkthi)
 
Kur rektori i Universitetit të Tiranës këmbënguli të merrte godinën e ish-konviktit të shkollës së mesme të gjuhëve të huaja, e cila i ishte premtuar për qira shkollës së lartë private “Universitetit Luarasi” nëpërmjet një procedure të dyshimtë tenderimi, ndaj rektorit filloi një sulm mediatik.
Shkolla e lartë private “Luarasi” është në pronësi të Focus Group (pronar të gazetës “Panorama“, portalit “BalkanWeb” dhe kanalit televiziv “News24”). Edhe biznesi i arsimit në Shqipëri ndjek gjurmët historike të sipërmarrësve shqiptarë, ku cdo biznes duhet të ketë median e tij për të mbrojtur dhe nxitur investimet. Universiteti Europian i Tiranës ka gazetën “MAPO”, shkolla e lartë private “Kristal” ka televizionin “Planetar”, Albanian University= UTV, “Vitrina” ka nxjerrë një pacavure rrugëve falas “77” etj.

Më poshtë paraqitet konflikti ndërmjet Dhori Kules dhe mediave.

1. Kule, i rrahur me sulmet e tërthorta ndaj qeverisë, jo gjithmonë për interes personal, por kryesisht po, nisi një konflikt me Focus Group duke u prishur pazarin, sic raporton gazeta Shqiptarja.com.
“Universiteti i Tiranës i ka dërguar një shkresë zyrtare kryeministrit Berisha, që t'i kalojë nën administrim godinën e konviktit të Gjuhëve të Huaja. Senati vendosi t'i drejtohet kreut të qeverisë, pasi vetë bashkia u ka dhënë një përgjigje negative për këtë kërkesë, ndërkohë që ka nisur procedurat për t'ia dhënë me qira universitetit privat "Luarasi".”

2. Focus Group u hodh në sulm duke akuzuar Kulen se kishte mashtruar pedagogët e fakultetit të gjuhës angleze, të cilët do të transferoheshin. Ky ishte faktikisht një konflikt i hershëm i rektoratit me dekanatin e fakultetit, ku edhe Ministria e Arsimit dhe Shkencës nuk ishte shprehur:

Gazeta Panorama: “Rektori i Universitetit të Tiranës Dhori Kule, mashtron publikisht lidhur me propozimin e tij, për të shkurtuar 28 pedagogë të Fakultetit të Gjuhës Anglezë dhe transferimin e tyre pranë 7 Fakulteteve të tjera me qëllim shkatërrimin e Fakultetit të Gjuhëve të Huaja. Ndërsa, Kule deklaron se në këtë Fakultet do të shtohen pedagogët, dekania Klodeta Dibra ka në duar të saj vendimin për shkurtimin e stafit.”

3. Dhori Kule u bë më pas edhe shënjestër e sulmeve të opozitës, të cilët gjatë zgjedhjeve të rektoratit kishin synuar vendin e rektorit nëpërmjet Mimoza Hafizit.

“Largimi i 28 pedagogëve nga Departamenti i Gjuhës Angleze përbën shkelje të ligjit për arsimin e lartë. Dje, në Komisionin e Medias dhe Edukimit, vendimi i propozuar nga rektori Dhori Kule është shoqëruar me akuza të forta nga deputetët e opozitës.”

4. Pas problematikave me maturën shtetërore Dhori Kule hap një front tjetër sulmi dhe lëshon një batare ndaj Ministrisë së Arsimit dhe Shkencës duke iu përgjigjur kështu elektoratit të tij. Ai kërkon që provimet e pranimit të studentëve të kryhen pranë universiteteve. Matura shtetërore është vendosur në 2006 për të organizuar pranimin e studentëve në programet përkatëse të studimit. Më parë sistemi i shpërndarjes organizohej nga universitetet që kryenin provime hyrëse sipas profilit. Procesi karakterizohej nga korrupsioni i pamatë, shitje tezash dhe kërkesa deri në 20 000 $ për pranim në Fakultetin e Mjekësisë.

“Matura Shtetërore ka dështuar plotësisht ndaj nevojiten modele si ato të universiteteve evropiane. Ky është qëndrimi i shkollave të larta publike, veçanërisht pas skandalit të daljes së tezes së provimeve me zgjedhje. Kreu i Universitetit të Tiranës, Dhori Kule, duke përjashtuar rikthimin e konkurseve, i kërkon Ministrit të Arsimit aplikimin e modeleve të reja për pranimet në universitete. Sipas Kules provimet e Maturës duhet të jenë si vite më parë, kusht për të marrë shkollën e mesme, raporton Vizion Plus.”

5. Dhori Kule sulmohet më pas edhe nga Ndricim Kulla në gazetën “Panorama”.
“Atëherë kemi gjithë të drejtën të pyesim: po cilat janë vallë kredencialet akademike të zotit Kule? Mos vallë koniunkturat?! Profili i tij në vite ravijëzon një rektor më se partiak, në një kohë që rektori i Universitetit të Tiranës duhej të ishe një njeri i depolitizuar dhe me një aktivitet të qartë akademik. Historia e tij është pothuajse partiake, ish-anëtar i Partisë së Punës, drejtues i lartë i Partisë Social-Demokrate dhe tani pjesëmarrës në strukturat e larta të PD-së. Pra, nga një parti në tjetrën në kërkim të postit, dhe jo të ngjitjes dhe kultivimit akademik.”

6. Dhori Kule sulmohet edhe për administrimin e financave të universitetit. Këtë radhë publikohet një raport i Kontrollit të Lartë të Shtetit për keqmenaxhim të fondeve të universitetit, për të cilin Kule shprehet se nuk është në dijeni. Në fakt UT nuk ka bërë asnjëherë transparente përdorimin e të ardhurave nga studentët, për të cilat është i detyruar me ligj. Grupimet e studentëve nuk i kërkojnë ose nuk i dëgjon kush në pretendimet e tyre. Gjithsesi me poshtë sulmi nga "Gazeta Jone"

“Bëhen komente në emër të një raporti të Kontrollit të Lartë të Shtetit. Unë nuk kam parë asnjë prononcim deri tani që ky institucion të jetë shprehur, për ndonjë lloj qëndrimi, për ndonjë lloj akuze. Kontrollet nuk janë kontrollet për rektorin, raporti i KLSH-së nuk bën fajtor Dhori Kulen për asgjë dhe këto janë vetëm shpifje”,- u shpreh sot rektori Kule.

Gazeta me tej pretendon se: ”Në këtë dokument zyrtar të KLSH-së të hartuar nga përfaqësuesit e autorizuar të Kontrollit të Lartë të Shtetit, zbulohen abuzimet e Universitetit të Tiranës të përfaqësuar nga Dhori Kule, me tenderat [… ,] abuzimet me shitjen e karburantit, […] vjedhjen e fondeve me blerjet e makinave të përdorura, ku vetëm një makinë e përdorur është blerë me shumën reth 30 mijë euro.”

7. Mero Baze merr nje tjeter kthese ne kete diskutim dhe e sheh kete konflikt ndermjet Kules dhe Focus Group si nje lufte ndermjet Klan dhe Focus Group, apo me gjere, ndermjet Klan dhe cdo sipermarresi konkurrent ne plackitjen e te mires publike ku qeveria eshte e pafuqishme te krijoje balanca ne orekset e tyre.

Mero Baze: Anulimi i vendimit në kushte të tjera duhej përshëndetur, por në këto rrethana është një lajm tjetër i keq i pafuqisë që ka qeveria për të kundërshtuar tashmë orekset e klientëve të saj në biznes. Historia është e thjeshtë. Kundër këtij vendimi, i cili po bëhej realitet, u ngrit grupi mediatik Klan, biles më saktë sponsori në hije i këtij grupi, biznesmeni Samir Mane, i cili nuk e pranonte dot që përveç tij dhe bizneseve të tij, Berisha të fuste në oborr dhe një klient tjetër. Profili i Hysenbelliut në raport me grupin Klan, pas të cilit qëndron Mane, natyrisht që është më larg Berishës.

8. Dhori pergjigjet se ky eshte nje sulm nga Irfan Hysenbelliu dhe se raporti i KLSH-es nuk e ben ate pergjegjes direkt. Ai kerkon nga Kontrolli i Larte i Shtetit te mbaj qendrim ne lidhje me akuzat e leshuara ne media ndaj personit te tij. Eshte interesante se ku jane gjetur keto raporte te KLSH-s kur dihet se ato nuk publikohen, por mbahen te kycyra si nga KLSH-ja qe i perdor per shantazh dhe zhvatje parash, edhe nga institucionet e prekura.

Dhori: ”I gjithë problemi është i një biznesmeni Irfan Hysenbelliu. Unë i kam thënë gjatë takimit me të që kjo godinë ishte kërkuar prej nesh, pasi më herët më kishin thënë që ka pak nxënës dhe e kam bërë një kërkesë verbale në Bashki. Unë e kam marrë vesh nga media që po ndodh procesi i privatizimit, më pas i bëmë një kërkesë Kryeministrit që godinën ta marrë UT.”

9. Panorama permbledh burimet e te ardhurave te Dhori Kules duke e gjetur ate ne 7 borde, prej te cilave ai perfiton thuajse tre-fishin e rroges se vete si rektor. Nuk ngrihet asnje aludim ndaj ngarkeses se tij mesimore (me thuajse 800 000 leke ne vit, dicka tek 150 ore mesimore - ku jane?), por hidhen dyshime mbi aftesite e tij dhe kohen per t'u angazhuar me detyrat e percaktuara ne borde. Gjithashtu Panorama boton edhe deklarimin e pasurise se rektorit dhe te gjithe listen e pasurive te patundshme (asnjehere ndodhur kjo gje me pare, as me politikane!).

Panorama: Dhori Kule duhet të hyjë në rekordet “Guiness” të aftësive. Gazeta zbardh sot deklaratat e pasurisë së rektorit të Universitetit të Tiranës dhe zbulon se Kule, krahas pagës si rektor dhe pedagog, paguhet nga paratë e qytetarëve shqiptarë si anëtar në shtatë borde. Nuk janë pak. Vetëm në deklaratën e vitit 2012, nga pagesat e bordeve Kule ka marrë 1 840 430 lekë, ose rreth 18 mijë USD.
Pas goditjes nga Kryeministri, i cili qëndroi dukshëm pas pretendimeve te Irfan Hysenbelliut per marrjen e konviktit, Kule ka treguar pavarësi në vendimmarrje në mbledhjen e Këshillit Bashkiak të Bashkisë së Tiranës.

Read More