Gazeta Shqiptarja.com, 7 Korrik, 2014
TIRANË - Skuadra e antikrimit financiar e policisë së Tiranës ka arrestuar për korrupsion profesorin e anglishtes në Universitetin Bujqësor në Kamëz, Alfred Çaushi.
Pedagogu 39-vjeçar, sipas policisë është arrestuar teksa merrte nga 10 mijë lekë të reja për provimin e gjuhës së huaj nga studentët e vitit të dytë.
Çaushi është është arrestuar me akuzen e korrupsionit pasiv të personave që ushtrojnë funksione publike.
Në momentin e arrestimit pedagogut Çaushi i janë sekuestruar në cilësinë e provës materiale një shumë parash që dyshohet se janë përfituar në mënyrë të paligjshme. Alfred Çaushi sipa kodit penal rrezikon dënimin me burg nga dy deri në tetë vjet dhe me gjobë nga pesëqind mijë deri në tre milionë lekë.
- http://www.shqiptarja.com/Aktualitet/2731/pranga-pedagogut-t--anglishtes--merrte-10-000-lek--p-r-provim-225015.html#sthash.JaQO39LX.dpuf