UT-mbi-Reformën

 

Që kur reforma në arsimin e lartë u shpall në vitin 2007 me zbatimin e Procesit të Bolonjës dhe hartimin e Strategjisë Kombëtare të Arsimit të Lartë (2008), Universiteti i Tiranës, universiteti më i madh i vendit, nuk ka hartuar asnjë dokument strategjik që të shpreh vullnetin konsensual të personelit akademik apo ndonjë qëndrim të qartë në lidhje me reformën. Mund të supozohet që ka pasur një konsensus pse strategjia kombëtare është diskutuar dhe miratuar nga grupet e interesit. Por asnjë pozicion i qartë në lidhje me misionin e Universitetit të Tiranës në këtë reformë nuk është formuluar ndonjëherë. Ende Universiteti i Tiranës nuk ka një pozicion të qartë edhe pse tanimë ka në komisionin e ngarkuar për reformën (Rama) zv. Rektorin Ervin Demo.

I vetmi pozicion i Universiteti të Tiranës në lidhje me reformën mund të inferohet nga diskutimet në gazeta apo televizione.

Modeli “kilian” i konkurrencës të propozuar nga Ardian Civici (UET) përballet me një model të paqartë të Shezai Rrokaj nga Universiteti i Tiranës në Gazetën Shqip (10 Korrik, 2013). 

Shkurtimisht cështjet e ngritura nga Rrokaj janë: (a) arritja e një konsensusi për reforma totalitare dhe të integruara në objektivat e zhvillimit strategjik; (b)rregullimi i kredencialeve akademike; (c ) reforma e financimit të arsimit por nuk përmend ndonjë plan të caktuar dhe i largohet idesë së llogaridhënies; (ç) reformë e strukturave dhe organizimit të universiteteve publike; (d) nxitja e angazhimit të universitetit në misionin e tretë dhe në projektet ndërkombëtare të kërkimit; (dh) rritja e kapaciteteve të universiteteve publike për të përthithur të gjithë kërkesën në arsimin e lartë (dhe pastaj thotë që arsimi privat duhet të jetë komplementar!); (e) pavarësi të sistemit të sigurimit të jashtëm të cilësisë nga ekzekutivi (vendimmmarrja sipas ligjit është e Ministrisë të Arsimit) por nuk bën fjalë gjëkundi për sigurimin e brendshëm të cilësisë në UT dhe mosfunksionimin e këshillit të etikës në këtë institucion etj.

Më poshtë disa prej pikave të Rrokës:

1. E rëndësishme është krijimi i një sinergjie mendimi prej së cilës do të konceptoheshin reforma të plota për arritjen e standardeve dhe përmirësimin e cilësisë së jetës në vendin tonë.
2. Edukimi duhet parë si një vazhdimësi, që nga kopshti e deri shkollimin universitar, e më tej në të mësuarit gjatë gjithë jetës. Kurrikula shkollore konceptohet si tërësore, dhe jo e copëzuar si deri sot, në politikat dhe strategjitë arsimore me cikle shkollimi, sepse vetëm në këtë mënyrë mund të konceptohet një formim pa boshllëqe, pa thyerje konceptuale dhe pa përsëritje e fryrje informacioni nga viti në vit dhe nga cikli në cikël.
3. Strategjia arsimore synon orientimin e shkollës në përputhje me strategjinë afatmesme e afatgjatë të vendit dhe atë rajonale e globale.
4. Një vëmendje e veçantë duhet t’i kushtohet rregullimit të titujve të diplomave në përputhje me kategoritë e punës në Republikën e Shqipërisë, gjë që do t’i jepte fund çrregullimeve që vihen re sot në procesin e punësimit në publik a në privat.
5. Reforma për arsimin merr si pikënisje financimin e arsimit si fushë prioritare.
6. … duhet të synohet në ngritjen e Instituteve (Kolegjeve) Profesionale dyvjeçare, sipas modelit zviceran, finlandez, amerikan, pas shkollës së mesme. Arsimi profesional duhet të nxitet nëpërmjet sektorit privat të interesuar me mbështetjen e shtetit.
7. … arsimin e detyrueshëm edhe për shkollën e mesme të lartë. Pas analizave që janë bërë për të parë se sa nisin klasën e parë dhe sa nga ky numër futen në universitet nga njëra anë, dhe standardi i BE-së (30/1000 banorë në shkollë të lartë) nga ana tjetër, rezulton se nga rreth 50 mijë nxënës në klasën e parë në universitet futen realisht më pak se 30 mijë.
8. .. thjeshtimi i skemës së pranimeve nëpërmjet ndarjes së maturës shtetërore nga skema e pranimeve, zhvillimi i konkursit vetëm për degët ku kërkesa është më e madhe se oferta, liberalizimi për degët e tjera, dhënies një peshë më të madhe mesatares, në mënyrë që nxënësi të mësojë të gjitha lëndët dhe jo të mjaftohet me katër lëndët e maturës shtetërore.
9. .. të ndërmerret një reformë për rishikimin e kurrikulës në raportet leksion-seminar, për të eliminuar përsëritjet e panevojshme dhe nxitjen e shkollave të larta për të përshtatur në kurrikul informacionin e ri si dhe pjesëmarrjen në konferenca ndërkombëtare dhe projekte të përbashkëta kërkimore në nivel rajonal.
10. Strukturimi dhe zhvillimi i universiteteve duhet të bëhet në varësi të strategjisë së zhvillimit të vendit, të diversifikimit rajonal të këtij zhvillimi, të ngjashmërisë kurrikulare dhe të veçanësisë që kanë universitetet nga njëri-tjetri. Rishikimi i kurrikulës aktuale duhet të bëhet në mënyrë që ajo të harmonizojë si duhet mësimdhënien me kërkimin.
11. Departamenti duhet të strukturohet sipas konceptit të profesorit, i cili drejton grupin mësimor në mësimdhënie dhe kërkim. Ai duhet të ketë edhe fondin e vet të kërkimit, si dhe ka detyrim në ngarkesën e tij të fitojë projekte për grupin mësimor.
12. Qeveria duhet të nënshkruajë një kontratë partnershipi me IAL-të për të hartuar projektet e zhvillimit të vendit me fonde qeveritare apo për të bërë oponencë për projektet e ofruara nga donatorët.
13. Universitetet duhet të bashkëpunojnë edhe me Pushtetin Vendor për zhvillimin e territorit. Strategjia e kërkimit duhet të mbështetet në: a) kërkimin me projekte institucionale (KZH), b) kërkimin me projekte kombëtare, c) kërkimin me projekte bilaterale, e në mënyrë të veçantë integrimin e IAL-ve në FP 7 etj. Për kërkimin bazë, përveç fondeve të veta, për t’u dhënë hapësira të mëdha IAL-ve, Qeveria duhet të përfshijë këtë kërkim në zërin investime (231/5) me fondet e tyre.
14. Krijimi i një strukture për sistemin e karrierës që do të synojë orientimin dhe nxitjen e sipërmarrjes për të rinjtë, nëpërmjet programeve nxitëse për sipërmarrjen, panairet e punës me dhomat e tregtisë dhe bizneset si dhe praktikat e punës.
15. Rregullimi i raporteve midis U-publike dhe U-private, si dy sisteme komplementare dhe konkurrenciale. U-publike duhet të kenë gjitha kapacitetet e nevojshme për absorbuar të gjitha kërkesat. Kjo do të shpjerë në një konkurrencë më të drejtë, e cila mbështetet në tre komponentë: cilësia, komoditeti dhe tarifa e shkollimit. Qëndrimi i Qeverisë ndaj këtyre dy sistemeve duhet të jetë vetëm në respektim të standardeve, pa shfaqur favoritizëm në njërën apo në tjetrën anë.
16. Ndërtimi i një sistemi funksional vlerësimi të brendshëm dhe të jashtëm, jashtë ndikimit të ekzekutivit duke ftuar një agjenci të huaj akreditimi, e pajtuar nga Konferenca e Rektorëve), që do të realizonte fillimisht akreditimin, pastaj edhe një renditje të universiteteve, sipas degëve të studimit. Këshilli dhe Agjencia e Akreditimit duhet të jenë struktura jashtë MASH, të miratuara nga Parlamenti, me propozim të Konferencës së Rektorëve.
17. Me plotësimin e kushteve të sistemit full-time që, së bashku me universitetet private, do të absorbojë tërësinë e kërkesave në kufijtë preferencialë, sistemi part-time duhet të shndërrohet gradualisht brenda këtij mandati në një sistem të të mësuarit gjatë gjithë jetës. Shkolla e lartë duhet të hapet në shërbim të aftësimit të përhershëm të kategorive të punës, duke hapur cikle kursesh e duke dhënë diploma të ndërmjetme a certifikata për njohuri të caktuara. Duhet t’i kushtohet rëndësi njohurive ndërdisiplinore për lëndë a grup lëndësh në varësi të zgjerimit të pozicionit të punës në përputhje me strategjinë e zhvillimit rajonal e global.

Read More

Burime

 

	Ministria e Arsimit dhe Sporteve publikon kryesisht informacione mbi legjislacionin, vendime/urdhëra dhe konferenca shtypi. Informacionet statistikore është e vështirë të gjenden se ato publikohen nga INSTAT, përveç kuotave studentore në universitetet publike që gjenden në formën e Vendimeve të Këshillit të Ministrave. Për momentin nuk është përditësuar. Vlen të shikohet arkiva: http://arkiva.mash.gov.al/
	Agjencia Publike e Akreditimit të Arsimit të Lartë (APAAL) është një institucion shtetëror dhe publik, pjesë e Sistemit të Sigurimit të Cilësisë në Arsimin e Lartë në Shqipëri, në varësi administrative të Ministrisë së Arsimit dhe Shkencës, e krijuar me vendim të KM nr. 303, datë 1.7.1999 “Për krijimin e sistemit të akreditimit në arsimin e lartë”. APAAL ka si mision kryesor të saj sigurimin e cilësisë në arsimin e lartë. Faqja ka informacione mbi kuadrin ligjor të sigurimit të cilësisë, raportet e vlerësimit të jashtëm (të dy viteve të fundit), informacione mbi standardet e cilësisë etj. Faqja përditësohet rregullisht.
	As the only United Nations agency with a mandate in higher education, UNESCO facilitates the development of evidence-based policies in response to new trends and developments in this field emphasizing its role in achieving the Millennium Development Goals and particularly poverty eradication. · Reform and Innovation International University Cooperation Quality Assurance Recognition
	The National Tempus Office in Albania help improve the relevance, effectiveness and impact of the Tempus programme in the National Tempus Office's country. Ka informacione (kryesisht në anglisht) mbi bursat e BE-se, informacione mbi sistemin e arsimit të lartë në Shqipëri etj. Nuk përditësohet rregullisht.
	Libraria ligjore është baza e të dhënave më e përditësuar në Republikën e Shqipërisë. Sistemi është i lehtë të përdoret dhe me një makinë të mire kërkimi. Mund të konsultoheni edhe me faqen e internetit të Qendrës së Publikimeve Zyrtare (www.qpz.gov.al). Por nuk është lehtësisht e përdorshme (grupuar në vite dhe botime). Makina e kërkimit nuk punon dhe aktet ligjore janë në .pdf sipas botimit në fletoren zyrtare. Gjithashtu faqja ngarkohet së tepërmi dhe është tmerrësisht e ngadalshme.
	Në zbatim të ligjit nr.9180, datë 05.02.2004 "Për statistikat zyrtare", INSTAT përbëhet nga një numër institucionesh të ngarkuar për prodhimin e statistikave zyrtare dhe institucione të tjera, publike ose jo, të cilët nxjerrin statistika të fushave të ndryshme për monitorimin apo zbatimin e politikave të veta zhvilluese. Sistemi Kombëtar Statistikor e ushtron aktivitetin në përputhje me ligjin e lartpërmendur dhe Programin shumëvjeçar të Statistikave i cili miratohet me vendim të veçantë të Kuvendit të Shqipërisë. Përgjegjës për zbatimin e Programit dhe monitorimin e Sistemit Statistikor është Instituti i Statistikave (INSTAT) si institucioni kryesor prodhues i statistikave zyrtare.   Ka disa statistika bazike mbi arsimin e lartë: http://www.instat.gov.al/al/themes/arsimi.aspx
	Education GPS is the source for internationally comparable data on education policies and practices, opportunities and outcomes. Accessible any time, in real time, the Education GPS provides you with the latest information on how countries are working to develop high-quality and equitable education systems.
	Inside Higher Ed is the online source for news, opinion and jobs for all of higher education. Whether you're an adjunct or a vice president, a grad student or an eminence grise, we've got what you need to thrive in your job or find a better one: breaking news and feature stories, provocative daily commentary, areas for comment on every article, practical career columns, and a powerful suite of tools to help higher education professionals get jobs and colleges identify and hire employees.
	NAFSA advocates for public policies that lead to a more globally engaged and welcoming United States. In the debate about America's future, we advocate for U.S. policies that foster a more peaceful world, result in a commonsense immigration process, encourage enlightened global engagement, and sustain an informed civic culture through international education.
	The International Comparative Higher Education Finance and Accessibility Project is a program of research, information dissemination and networking looking at the worldwide shift of the burden of higher education costs from governments and taxpayers to parents and students.
	INCHER-Kassel conducts research on questions concerning higher education institutions and tertiary studies, as well as on topics at the interface between higher education and other fields of society. The research questions are addressed in a structure of four thematic areas: · Students and Graduates · Change of Knowledge · Governance and Organization · Innovation and Transfer In addition, cross-cutting issues such as globalisation, social inequality and gender-addressed questions have significance in all four areas.
	The Center for International Higher Education defines its mission to be advancing knowledge about the complex realities of higher education in the contemporary world. The Center has developed several areas of activity. This website contains detailed information concerning our work:
	Centre for Education Policy (CEP) is an independent multidisciplinary research centre which provides professional support to decision makers and practitioners in developing, implementing and evaluating policies in the field of education. To complement these, CEP continually strives to identify and bring to light areas in need to be addressed by both decision makers and scientific community, while strongly advocating in favour of informing education policy and practice with evidence provided through social science research. Apart from its permanent staff (below), CEP also has a wide network of associates from different parts of the region and beyond.
	The Research Group for Higher Education Research & Policy (CHERP) is an interdisciplinary research group focused on equity, diversity, access, persistence, and contemporary policy issues.
	The CHE is a think tank for higher education. Based on international comparisons, we develop models for the modernisation of higher education systems and institutions. These models we define in close dialogue with decision makers from the higher education sector and politics. We undertake research on higher education and develop political scenarios. Our activities aim at the realisation and testing of new models in terms of steering and controlling as well as organisational models. On the basis of thus gained experience, we assist in further developing these models by carrying out pilot projects and by critically accompanying reform measures. Organizuan projektin e Renditjes së IAL-ve në Shqipëri (2011).
	NIFU intends to be an independent source for knowledge and an agenda-setter for policy, in its specialist areas of education, research, innovation and skills development. The institute’s vision is to develop studies of education, research and innovation, as multi-disciplinary and interdisciplinary fields of research in a global perspective; in doing this it will develop and strengthen its position as a leading European research institute for these areas.
	The project Towards Sustainable & Equitable Financing of Higher Education Reform in Bosnia and Herzegovina, Montenegro and Serbia - FINHED aims to contribute to ensuring a more efficient, effective and equitable financing of higher education in the Western Balkans through (a) gathering and analysing fundamental and essential evidence on system-level and institutional financing and equity in higher education in Bosnia and Herzegovina, Montenegro and Serbia; (b) introduction and implementation of the EUROSTUDENT survey in the three countries of the Western Balkans; (c) strengthening local expertise in developing policies on financing and equity in higher education; (d) development of a policy framework for an efficient, effective and equitable higher education systems in the three countries; (e) development of university financing models based on sensible diversification of income streams and strengthen universities' capacities to implement these models; and (d) the establishment of Regional Resource Point with the purpose to sustain results and disseminate them across the region.
	The Statistical, Economic and Social Research and Training Centre for Islamic Countries (SESRIC), was founded as a subsidiary organ of the Organisation of Islamic Cooperation (OIC) in pursuance of Resolution No. 2/8-E adopted by the Eighth Islamic Conference of Foreign Ministers (ICFM), held in Tripoli in May 1977. The Centre started its activities in Ankara on 1 June 1978.

Read More

UT-pakënaqësi

Akuza për keqmenaxhim ndaj rektorit të Universitetit të Tiranës, Prof. Dr. Dhori Kules 

 Shefi i Departamentit te Shkencave Politike, Dr. Hysamedin Feraj, i cili njihet ne rrethet akademike per tezat provokuese kombetariste e qasjet post-modernise, eshte edhe nje sfidues i shquar i autoriteteve drejtuese te Universitetit te Tiranes.

Ne esene e meposhtme Dr. Feraj shpreh pakenaqesine ndaj menyres se menaxhimit se Universitetit te Tiranes nga rektori Prof. Dr. Dhori Kule. Perqendrimi i autoritetit tek rektori, sipas tij, ka sjelle probleme me komunikimin vertikal, tejkalim kompetencash dhe coroditje ne zbatimin e ligjit dhe te statuti te universitetit. Shkrimi nuk permban fakte konkrete por prek ne pergjithesi disa prej problematikave si mospagimi i rrogave te personelit me kohe te pjesshme dhe nderhyrja e autoritetit te rektorit ne emerimet e departamenteve, Nga shkrimi percillet ideja se keto probleme nuk jane sistemike apo organizative (p.sh. kuadri ligjor, statuti i universitetit dhe sistemi organizativ i UT-es) por se shkaktar eshte personaliteti i rektorit Kule, i cili e ka shnderruar universitetin ne nje instrument te pazareve politike nga ku rektori Kule perfiton ne cdo aleance.

Shkrimi eshte botuar ne gazeten Panorama. Rektori Kule para nje viti ishte serish ne tabelen e qitjes se gazetes Panorama (nen pronesine e Irfan Hysenbelliut). Por atehere ai ishte per ceshtjen e godines se ish-konviktit te Shkolles se Mesme te Gjuheve te Huaja ne Tirane. Godina iu premtua njerit prej aleateve ekonomike te LSI-se, ne aleance me PD per zgjedhjet vendore, Focus Group per shkollen e larte private Luarasi. Gazetat ne Shqiperi nuk botojne shkrime nga kushdo, pervec se nese qendron ndonje interes i perbashket, sidomos kur behet fjale per sulme personale.

Shkrimi i Dr. Feraj eshte nje sulm personal ndaj rektorit Kule pasi nuk përqëndrohet në fakte konkrrete dhe te argumentuara me ligj. P.sh. Dr. Feraj meton se buxheti i UT miratohet nga qeveria ne total dhe shperndahet nga rektorati, ne fakt miratohet per fakultet dhe shperndahet e menaxhohet nga fakultetet per ne departamente, madje rektorati jo pak here ka probleme te marre para nga fakultetet per shpenzimet e perbashketa.

Ndoshta Dr. Feraj e ngre kete shqetesim ne gazete sepse nuk ka gjetur vesh brenda fakultetit apo departamentit per t'u ankuar. Por nese ka tejkalim kompetencash, departamenti mund t'i drejtohet gjykates, profesoret mund te bojkotojne mesimin apo te organizojne tubime per te shprehur pakenaqesine ndaj rektorit. Por mungesa e mobilizimit dhe organizimit te interesave te personelit mesimdhenes eshte nje problem qe nuk vjen thjeshte nga debilimi, kooptimi apo makinacionet e rektorit Kule, por nga paaftesia e personelit per te qene te pavarur ne mendim dhe ne inisiative.

Gjithashtu kjo lufte nuk po zhvillohet ne mejdanin e vete por ne kuvend te gabuar. Gazeta Panorama nuk eshte kuvendi per te percuar kete konflikt, e aq me pak per ta zgjidhur ate. Me poshte po paraqes me disa shkurtime veretjet dhe shqetesimet e Dr. Feraj.

Hysamedin Feraj - Rektori .... Kule!

 Rektori i Universitetit të Tiranës (UT), prof. dr. Dhori Kule, është ilustrimi i “arrogancës së drejtuesve të institucioneve që e zbritën nga pushteti Partinë Demokratike”. Parashikohet se me këtë kthesë qytetare të sjelljes votues, tani e tutje ky soj drejtuesi ka shumë gjasë ta rrëzojë nga qeverisja çdo parti, e cila, për suksese afatshkurtra, favore personale, shushatje para “autoritetit” të arrogantëve, ose çfarëdo motivi tjetër i mbështet, ose madje vetëm i lejon të shijojnë rehat arrogancën e tyre, kuptohet në kurriz të fatit politik të qeverisjes që i lejon. Ndaj “atyre lart” rektori mban qëndrim mbrojtës. Për t’u fshehur prej “tyre”, si një zhguall mbrojtës, e përdor “autonominë universitare” që i jep ligji. Po “autonominë universitare” e përdor për të realizuar “frikshëm” atë që më parë e pohonte zëshëm: privatizimin e universitetit publik. E kjo nuk është habi derisa është i njëjti rektor, i cili, kur pushteti qendror ishte i djathtë, si ndonjë idhulltar i Donald Trump, bërtiste televizioneve se po të dojë (!) mund ta privatizojë universitetin publik! Por fati i mirë i këtij vendi është se nuk donte. Me fjalë të tjera, rektor universiteti – me mendësinë e atyre që kanë uzurpuar gjithandej pronat publike! Veçse, pa guximin e sipërmarrësve privatë: duke u mbrojtur nën zhguallin e “autonomisë së universiteteve” rektori ynë tashmë e administron universitetin publik si pronë private të tij, por pa risqet e sipërmarrjes private! Pozicion më komod! Përkundrazi, me “ata poshtë”, rektori Kule sillet “si çekan”, me arrogancë të plotë, sikur nuk ka ligj. Dhe sikur nuk ka asnjë akt nënligjor që rregullon fushën e kompetencave të tij e të secilit. Ndër të tjera, ndonëse aktet me fuqi juridike iu garantojnë fusha autonomie edhe njësive brenda UT, rektori Kule me kohë i ka thënë autonomisë së brendshme “you are fired”. Nga pozita e “titullarit të institucionit”, ose sipas “gjykimit të rektorit”, rektori pushon nga puna secilën vendimmarrje të njësive të tjera brenda fushës së tyre të kompetencës, të supozuar të garantuar! Dhe atë si garant. Pasoja: “ligj” që drejton brenda UT mbetet “diskrecioni” i rektorit, “gjykimi i rektorit”, vendimi i “titullarit të institucionit” dhe “vendimi i Senatit të UT”, kryetar i të cilit është vetë rektori! Mirëpo që arroganca të ndihet e kulluar, rektori Kule nuk ndihet i detyruar të zbatojë as vendimet që merr vetë, ose që merren “me vendim të Senatit”. Dëshmitë, provat e faktet për këtë sjellje të rektorit dhe për këtë situatë brenda UT, janë aq të shumta, sa që për këtë fillim mund të jepen vetëm disi të grupuara e simptomatike. Vetëm unë di disa vendime të cilat janë marrë “me gjykimin e rektorit” dhe “vendimin e Senatit të UT”, por të cilat nuk janë zbatuar kurrë nga rektori i UT, ndonëse nuk janë shfuqizuar asnjëherë dhe ndonëse juridikisht është i ngarkuar me këtë detyrë. Madje, ndonëse (nxitur nga letrat personale) departamenteve u kërkon të mblidhen çdo javë, vetë Senatin, i cili ka më shumë punë se departamentet (sajë ngarkimit nga rektori me kompetenca që nuk i ka), nuk e mbledh me muaj të tërë. Në cilësinë e “titullarit të institucionit”, rektori Kule miraton e nënshkruan propozimet edhe për angazhim në procesin mësimor të lektorëve për fusha të ndryshme (të cilat, kuptohet, nuk i njeh), me kohë të pjesshme e të ftuar, vendas ose të tjerë. Por, mbasi e kanë kryer punën ndodh që nuk i paguan! Dhe ndonëse e afishon rolin e vet në universitetet shqiptare, me sjellje si këto e dëmton imazhin e UT në botën shqiptare, përkundër detyrës ta përfaqësojë atë me dinjitet. Për të mos e lënë me kaq, në stilin se nuk e kufizon as vullneti i vet i mëparshëm, u tërheq vërejtje “atyre poshtë” pse e kanë angazhuar x profesor, ndonëse vendimi është marrë, domethënë është miratuar nga vetë rektori. A thua se në vrullin të ushtrojë pushtet i jep vërejtje edhe vetvetes! Në arrogancën e vet, rektori Kule nuk përfill më as rregullat e lëshimit të një shkrese zyrtare, ose akti administrativ, ndonëse Kodi e përcakton atë dhe e kërkon, për vetë vlefshmërinë e saj. Mirëpo rektori, në të njëjtën shkresë jep një njoftim, një masë ndëshkimore, një nguti të vetën etj., dhe pa asnjë referim tek aktet ligjore ose nënligjore. Ndoshta pikërisht pse ligjin e ka pushuar me kohë nga puna. E më e pakta vështirësi që sjell një shkresë e tillë, është të gjendet se në cilën rubrikë të protokollohet dhe nën cilën të arkivohet. Sa u përket shkresave, nga “ata poshtë”, rektori kërkon të kthejnë përgjigje brenda njëzet e katër orëve, sidomos nëse letrat janë shkruar nga persona të veçantë, qoftë edhe nëpërmjet iPhone, ose iPad, mbase nga ndonjë kafene, por gjithsesi për t’iu ankuar atij ndaj “atyre poshtë”. Në ushtrimin e pushtetit personal rektori shpërndan “autonomi”, domethënë fusha kompetencash ndërmjet njësive, pavarësisht nëse këto i kanë sipas akteve ligjore e nënligjore. Kuptohet, sipas “gjykimit të rektorit”, të “titullarit të institucionit”, të “diskrecionit” etj., kompetenca që me aktet ligjore e nënligjore i përkasin Departamentit ia kalon Këshillit të Profesorëve, çka i përket Këshillit të Profesorëve mund t’ia kalojë departamentit, çka i përket dekanit ia kalon Senatit etj. Nga kjo ndërhyrje krijohen konflikte kompetencash, të cilat, nga njëra anë e bëjnë të nevojshme ndërhyrjen e rektorit, duke rritur kështu edhe pushtetin e tij arbitrar (mbase kjo është strategjia), nga ana tjetër, e ngarkojnë së tepërmi, duke ia bërë gati të pamundshme t’u përgjigjet gjithë kërkesave të punës. Në të dyja rastet ata që e pësojnë janë studentët dhe puna universitare. Njëlloj: në fushën e financës aktualisht “autonomia financiare e universiteteve” kërkon që paratë e financës publike dhe të taksapaguesve të shkojnë te njësitë bazë të UT (departamentet). Dhe kështu ndodh çdo fillim viti: departamentet i marrin këto para nga shteti, dhe mbi këto mundësi financiare planifikojnë veprimtaritë e tyre mësimdhënëse, kërkimore dhe akademike. Por buxheti i miratuar sipas të gjitha rregullave ligjore e nënligjore, miratuar nga Senati i UT dhe nga vetë rektori Kule, nuk respektohet aspak nga rektori Kule: përkundrazi, në çdo ditë të vitit rektori mundet, dhe meqë mundet, sipas rastit e ka bllokuar përdorimin nga departamentet të burimeve financiare që u janë dhënë ligjërisht departamenteve, duke pamundësuar veprimtarinë e tyre normale mësimore dhe akademike. Nuk e di nëse ndryshimi i buxhetit të miratuar, ose ndryshimi i destinacionit apo zërave të tij etj., është në “diskrecionin” dhe “gjykimin e lirë” të rektorit ose të “titullarit të institucionit”, por besoj se një kontroll i ndershëm special e specialistësh mundet ta dijë këtë gjë. Sidomos financa, që “s’të fal”. Për gjithë çka u tha më sipër, për secilën simptomë, nuk e di nëse përbëjnë shkelje me pasoja juridike, por e di se një kontroll special e specialistësh të ndershëm mundet ta dijë ligjshmërinë e sjelljes së tillë. Ndërsa nëse kontrolluesve dhe “atyre lart” u gjejnë midenë dhe ua përmbush shijet arroganca e stilit të ish-drejtuesve pëdëistë, atëherë ju bëftë mirë dhe paçin të njëjtin fat! (Mbase edhe arroganca shërbehet e nxehtë dhe shoqërohet me verën e kuqe).

Read More

Keqmenaxhim

Dëmi ekonomik në universitete në vitet 2010-2012

Opendata.al ka përllogaritur dëmin ekonomik të raportuar nga Kontrolli i Lartë i Shtetit për periudhën 2010-2012.

Dokumente relevante: 
Dëmi financiar i shkaktuar nga keqmenaxhimi i buxhetit të shtetit (përllogaritur nga Opendata.al 2014).
Raport i Kontrolli të Lartë të Shtetit në Universitetin e Gjirokastrës – 2012.
Raport i Kontrolli të Lartë të Shtetit në Institutin e Kujdesit Shëndetësor – 2012
Raport i Kontrollit të Lartë të Shtetit në Ministrinë e Arsimit dhe Shkencës – 2012
Raport i Kontrollit të Lartë të Shtetit në Universitetin e Shkodrës – 2012
Raport i Kontrollit të Lartë të Shtetit në Ndërmarrjen e Kujdesit të Studentëve – 2012

Raport i Kontrollit të Lartë të Shtetit në Spitalin Universitar (Universiteti i Mjeksisë) Nënë Tereza - 2012

Open Data Albania

Që nga viti 2010, KLSH ka kontrolluar në total 6 universitete, ndërkohë që në vitin 2009 nuk është audituar asnjë i tillë. Dëmi ekonomik total i shkaktuar prej tyre ka qënë rreth 94,8 milionë lekë, i shkaktuar në 5 sektorë kryesorë: tatim-taksa; shpenzime operative; paga; shpërblime dhe prokurime. 

Universitetet publike në vendin tonë financohen nga Buxheti i Shtetit dhe të ardhurat e veta, arsye për të cilën ato i nënshtrohen kontrollit të përdorimit të këtyre fondeve nga Kontrolli i Lartë i Shtetit. Open Data Albania ka marrë në shqyrtim dëmin ekonomik që i është shkaktuar Buxhetit të Shtetit nga universitetet e audituara gjatë viteve 2010-2012.

Që nga viti 2010, KLSH ka kontrolluar në total 6 universitete, ndërkohë që në vitin 2009 nuk është audituar asnjë i tillë. Dëmi ekonomik total i shkaktuar prej tyre ka qënë rreth 94,8 milionë lekë, i shkaktuar në 5 sektorë kryesorë: tatim-taksa; shpenzime operative; paga; shpërblime dhe prokurime.


^{Burimi: Kontrolli i Lartë i Shtetit
Përpunimi dhe komentet: ODA}

Pjesa më e madhe e dëmit është shkaktuar në sektorin e pagave. Për tre vitet ai është përllogaritur rreth 50 milionë lekë apo 53% e dëmit total, i shkaktuar kryesisht nga Universiteti “Eqrem Çabej” për 31,5 milionë lekë dhe Universiteti “Ismail Qemali” për 17 milionë lekë.

Në rastin e universitetit “Eqrem Çabej”, ky dëm i përket përfitimit në mënyrë të padrejtë nga punonjësit akademik të pagesave për kohën e punës jashtë kohës normale (18,8 milionë lekë) si dhe përfitim i padrejtë për pagesat për titullin shkencor, pa mbaruar procesi i akordimit të titullit. Kështu, sipas raportit të KLSH , 39 pedagogë nga viti 2009-2012 janë paguar me rrogë më të lartë, pa përfituar ende titullin e akorduar duke shkaktuar një dëm rreth 12,38 milionë lekë. Për të dyja këto shifra, KLSH ka rekomanduar zhdëmtim të menjëhershëm.

Sektori i dytë me dëmin më të lartë renditen tatim-taksat, me 34 milionë lekë, apo 35,84% të dëmit total, i shkaktuar thuajse i gjithë nga Universiteti “Ismail Qemali” Vlorë. 31,39 milionë lekë ishte dëmi nga ky universitet, ndërkohë që pjesa tjetër i përket Universitetit Bujqësor të Tiranës me 2,615 milionë lekë. Sektori i tretë me dëm të lartë shfaqen prokurimet. Për vitet 2010-2013 ai totalizoi 7,55 milionë lekë, 55,8% e të cilit i përket Universitetit të Tiranës me 4,4 milionë lekë, i ndjekur nga Universiteti Bujqësor me 2,32 milionë lekë.

Në rang universiteti, dëmi i shkaktuar në total nga secili prej tyre, paraqitet në grafikun në vijim:


^{Burimi: Kontrolli i Lartë i Shtetit
Përpunimi dhe komentet: ODA}
Në vend të parë, si universiteti më dëmin ekonomik më të lartë, është Universtiteti i Vlorës me rreth 48,7 milionë lekë apo 51% të dëmit total të evidentuar. Pas tij  vjen Universiteti i Gjirokastrës me 33,4 milionë lekë, ndërkohë që universitetet e tjera shfaqen me një dëm ekonomik modest krahasuar me ta, për të përfshirë këtu edhe Universtetit Politeknik, i cili nuk figuron me asnjë dëm ekonomik të përllogaritur gjatë auditimit në 2011-n.

1. ^{Të dhënat për dëmin ekonomik sipas sektorëve janë marrë nga Raporti Vjetori i KLSH për vitet përkatëse 2009--2010 http://www.klsh.org.al/previeëdoc.php?file_id=620 Në Excel: Të dhënat e përllogaritura nga Opendata Albania}
2. ^{Të dhënat për dëmin ekonomik sipas universiteteve janë marrë nga Raporti Vjetori i KLSH për vitet përkatëse 2009--2010}

Kontribues: Blerta Zilja, M.Sc.

Read More

Elbasan-keqmenaxhim

Akuza për keqmenaxhim në Universitetin e Elbasanit - Nëntor 27, 2013 

Arrestohen drejtues të lartë të administratës

Gazeta Telegraf, një burim jo serioz, raporton se janë arrestuar dhe proceduar për ndjekje penale disa drejtues në Universitetin e Elbasanit. Më pas këta u liruan dhe akuzat mund edhe të kenë prapavijë politike me ndërrimin e pushtetit qendror. 

Sipas Telegraf 

Policia e Elbasanit ka finalizuar operacionin e koduar “Premtimi”, Sektori Kundër Krimit Ekonomiko-Financiar, në Drejtorinë e Policisë së Qarkut Elbasan, pas një hetimi intensiv, bëri të mundur arrestimin në flagrance të shtetasve Eljan Hoxha, 43 vjeç, banues në lagjen “Kala” Elbasan, me detyrë, kancelar në Universitetin “Aleksandër Xhuvani”, Filip Qosja, 49 vjeç, banues në lagjen “Viserion Xhuvani” Elbasan, me detyrë drejtor i Drejtorisë Ekonomike në Universitetin “Aleksandër Xhuvani”, ka filluar ndjekjen penale për shtetasi Liman Varoshi, 55 vjeç, banues në Elbasan, me detyrë rektor i Universitetit, “Aleksandër Xhuvani” dhe Fatma Spahiu, 37 vjeç, drejtoreshë e Zyrës Juridike… Policia tha se, “flitet për një abuzime me një kontratë qiraje mes Universitetit dhe një biznesi që është nën administrimin e vjehrrës së Kancelarit dhe zë një sipërfaqe të Universitetit prej 155 m2 ndërsa në kontratë është shënuar 60 m2. Kjo sipërfaqe është kthyer në bar-kafe dhe ka funksionuar si e tillë prej 7 vitesh. Policia ka sekuestruar kontratat e 5 viteve të fundit si dhe po hetohen kontratat e tjera të bëra nga ky universitet. “Nga hetimet e policisë ka rezultuar se Rektori i Universitetit, Liman Varoshi, në bashkëpunim me kancelarin e këtij universiteti, shtetasin Eljan Hoxha, kishin favorizuar vjehrrën e kancelarit duke i dhënë për të shfrytëzuar me qira një hapësirë brenda ambienteve të Fakultetit Ekonomik të këtij universiteti. Kontrata e lidhur ishte hartuar në favor të vjehrrës së kancelarit, shtetases Luljeta Xhuvani, pasi në të ishin parashikuar për shfrytëzim vetëm 60 metra katrorë, nga 165 metra që ishte në të vërtetë kjo hapësirë. Nga verifikimet rezultoi se shtetasja Luljeta Xhuvani, kishte rreth 7 vjet që e ushtronte këtë aktivitet në mjediset e këtij fakulteti, për lokal Bar-Kafe”. Policia sekuestroi në cilësinë e provës materiale kontratat e lidhura për 5 vitet e fundit, midis Universitetit “Aleksandër Xhuvani”, të firmosura nga rektori Liman Varoshi dhe subjektit përkatës. Po kështu u ushtrua kontroll në mjediset e lokalit, nga ku u konstatua se shtetasja Luljeta Xhuvani bënte tregti në kundërshtim me ligjin, duke fshehur të ardhurat, duke mos pajisur klientët me kuponin tatimor si dhe duke mos regjistruar punonjësit të cilët punonin si kamerier. Ndaj shtetasve Eljan Hoxha dhe Filip Qose, u mor masa e arrestit në flagrancë ndërsa dy personat e tjerë, Liman Varoshi dhe Fatma Spahiu, procedohen në gjendje të lirë. Të katër këta shtetas akuzohen për veprat penale “Shpërdorim detyre”, “Vjedhje e kryer duke shpërdoruar detyrën”, “Falsifikim dokumentesh”, të parashikuara nga nenet 248, 135 e 186 të Kodit Penal.

Burimi: http://gazetatelegraf.com/arrestohen-kapot-e-korrupsionit-ne-universitet/

Një tjetër burim raporton se rektori është liruar - 28 Nëntor, 2013

Gjykata e Elbasanit liron nga qelia kancelarin e Universitetit të Elbasanit dhe drejtorin Ekonomik të këtij Universiteti. Gjykata ka vlerësuar të paligjshëm arrestimin e Eljan Hoxhës dhe Filip Qose.
Shkelja në kontratën e dhënies së një hapësire me qera për vjehrrën e kancelarit të Universitetit, bëri që në pranga të vihet Kancelari i Universitetit, Eljan Hoxha dhe Filip Qosja, drejtor i Drejtorisë Ekonomike, si dhe të hetohet Rektori i Universitetit të Elbasanit, “Aleksandër Xhuvani”, bashkë me drejtoren e Drejtorisë Juridike, Fatma Spahiu.
Më 26 nëntor Ministria e Brendshme bëri të ditur se, kishte nisur procedimi penal për drejtuesit më të lartë të Universitetit “Aleksandër Xhuvani” në Elbasan . Në kuadër të operacionit të koduar “Premtimi”
Ministria e Brendshme ka bërë të ditur se, nga hetimet e policisë ka rezultuar se Rektori i Universitetit, Liman Varoshi, në bashkëpunim me Kancelarin e këtij Universiteti, Eljan Hoxha, kishin favorizuar, vjehrrën e kancelarit duke i dhënë për të shfrytëzuar me qira një hapësirë brenda ambjenteve të Fakultetit Ekonomik të këtij Universiteti.
Kontrata e lidhur ishte hartuar në favor të vjehrrës së kancelarit, Luljeta Xhuhani, pasi në të ishin parashikuar për shfrytëzim vetëm 60 metra katrorë, nga 165 metra që ishte në të vërtetë kjo hapësirë. Nga verifikimet rezultoi se Luljeta Xhuhani, kishte rreth 7 vjet që e ushtronte këtë aktivitet në mjediset e këtij fakulteti, për lokal Bar-Kafe.
Të katër këta shtetas akuzohen për veprat penale “shpërdorim detyre”, “vjedhje e kryer duke shpërdoruar detyrën”, “falsifikim dokumentesh”.

Burimi: http://opozita.com/2013/11/28/elbasan-lirohet-kancelari-i-universitetit-arrestimi-i-paligjshem/

Read More

UAMD-Mitmarrje

Mitmarrje në Universitetin e Durrësit 

22/02/2014 

Operacioni i koduar “Master” çon në pranga 2 pedagogë dhe 2 studente nën akuzën e korrupsionit dhe ushtrimit të paligjshëm ndaj personave që ushtrojnë funksione publike. 

Bazuar ne te dhenat dhe provat e grumbulluara pergjate hetimit  2-mujor, Gjykata e Rrethit Durrës ka vendosur masën e sigurimit “arrest me burg” për pedagogët Endrit Sina, 32 vjeç dhe Odeta Tota, 40 vjeçe, të dy banues ne Tiranë dhe pedagogë pranë Fakultetit të Studimeve Profesionale në Universitetin “Aleksandër Moisiu” të Durrësit, si dhe studentet e Infermierisë Eralda Lika, 21 vjeçe nga Kavaja dhe Merushe Buceri, 39 vjeçe, banuese në Durrës.

Procedimi penal në gjendje të lirë ka nisur edhe për nje tjeter student te Infermierise. Pas një hetimi dymujor, Prokuroria ka ngritur akuzat për veprat penale “Korrupsion pasiv nga persona që ushtrojnë funksione publike” dhe “Ushtrim i ndikimit të paligjshëm ndaj personave që ushtrojnë funksione publike” pasi në bashkëpunim me njëri-tjetrin, në periudha të ndryshme ata kanë favorizuar studentë të këtij fakulteti në provimet e detyrueshme, kundrejt përfitimeve  të paligjshme.

Gjatë hetimeve u arrit të provohet se per cdo provim pedagogët përfitonin si rryshfet nga çdo student shuma parash qe shkonin deri në 15.000 lekë të reja. Provimet e dhena me pas nga studentet e Infermierise korrigjoheshin nga vete studentet e akuzuar dhe vleresimi behej ne vartesi  te shumes se dhene rryshfet nga studenti.

Burimi: http://www.top-channel.tv/artikull.php?id=273206

Read More

Burime-plagjiature

Shiten Diploma

http://tema-diplome.com/

Një faqe interneti (http://tema-diplome.com/) u jep mundësi studentëve të konsultojnë diploma të kolegëve të tyre kryesisht në programet e ciklit të dytë.

Kjo praktikë është e njohur në perëndim, si p.sh. faqja e internetit në Gjermani (http://ëëë.diplomarbeiten24.de/) ku studentet shkembejne idete e tyre. Por këto faqe paraqesin edhe pjesë të konsiderueshme të studimit që pedagogët të kenë mundësi të kontrollojnë dhe krahasojnë tekstin me atë të studentëve. Gjithashtu baza e të dhënave të këtyre faqeve që ofrojnë punime kundrejt pagesës janë të lidhura me programet kompjuterike që zbulojnë plagjiaturat.

Ndërsa faqja shqiptare që ofron këto diploma nuk  të jep mundësi të konsultohesh paraprakisht me tekstin, por vendos vetëm pasqyrën e temës. Kësisoj kjo faqe, për shkak të mungesës së kontrollit u jep mundësi studentëve të dorëzojnë pranë pedagogëve tema të vjedhura dhe plagjiatë. 

Read More