Mitmarrje në Universitetin e Shkodres dhe Universitetin Bujqesor te Tiranes, vjeshte 2016

Dy universitet të përfolura disa here per korrupsion, ku madje disa pedagoge jane hetuar e denuar per mitmarrje, kane rene serish ne shenjestren e medias. Sic eshte e tradites ne Universitetin Bujqesor te Tiranes, nuk mungon rasti i favoreve seksuale kundrejt notes. Ne Shkoder znj. Ditika Kopliku e kish shnderruar ne tregeti te hapur vendosjen e notes kaluese ose te mire, me cmime prej 100 eurosh.

TV Klan, STOP, http://tvklan.al/stopkur-mesatarja-nuk-te-ben-pune-dhe-ngelesh-pa-shkolle/

5 & 6 Qershor 2016

Një ditë publikimit të kameras së fshehtë në emisionin investigativ “STOP” , ku tregohej mënyra korruptive sesi në këmbim të 100 eurove studentët merrnin provimin në Universitetin “Luigj Gurakuqi” të Shkodrës, Prokuroria e këtij qyteti nisi menjëherë hetimet për rastin në fjalë dhe urdhëroi arrestimin e Ditika Koplikut, shefe e Katerdrës së Biokimisë, e cila shfaqej duke marrë paratë në këmbim të provimit.

Top Channel , http://top-channel.tv/lajme/artikull.php?id=334844#k1
6 Shtator, 2016, Seks dhe para per provimet e 

Sekseri i kontaktuar nga bashkëpunëtorët e Fiks Fare në Universitetin Bujqësor të Tiranës, Besim Nasufi, pasi bëri ‘pazar’ për shumën e parave që duhej për provim, kërkon edhe favore seksuale.

Ai flet për një rast që e ‘kishte ndihmuar’ për të marrë provimet për tre vite, madje e kishte dërguar edhe në Gjermani.

“Ishte 3 vjet me mua. I mori të gjitha lëndët tak e tak, e futa edhe në master dhe e çova dhe në Gjermani. E rregullova unë. Kush ka ndenjur afër me mua me dëshirë të madhe e ka marrë diplomën. Me mua nuk e lënë dot pazarin e lartë pedagogët. Gjithandej mbarojnë punë me 200-300 euro, ndërsa mua më vijnë studentët part time dhe më thonë jam dorëzuar. Më bëj ça të duash”, thotë ai.

Pas kësaj, sekseri kërkon takim në një orar tjetër me bashkëpunëtoren e Fiksit dhe thotë edhe arsyen se përse.

“Të thashë në orën 9:00 që të rri i qetë vetëm me ty. Unë nuk ta marr plaçkën, aty e ke. Është një orë që nuk ka njerëz, ose ditë të shtunë ose të dielë. Pse atë që e kisha une e merrte vesh burri? Tre vite ajo, futej të zyra ime dhe filloi punë. S’ka për ta marrë vesh asnjëri që t’i për shembull të bëhesh e dashura ime”, i thotë ai.

Bashkëpunëtorja e Fiksit i thotë që ka një burrë dhe i përmend nderin.

“Burrin aty e ke. Ç’punë ke me burrin. Nderin? Mbaje nderin mos e lësho”, i përgjigjet ai.

Read More

Publikohet nje studim mbi plagjiaturen nder personelin akademik ne Shqiperi

Nje policy paper (studim politik) i tre studiuesve te rinj, ka nxjerre ne pah disa problematika mbi ndershmerine akademike ne Shqiperi.

Besfort LAMALLARI, Gentiola MADHI dhe Miada SHPUZA "(PA)NDERSHMËRIAAKADEMIKE NË SHQIPËRI: SHQETËSIME TË PLAGJIATURËS", 2016 -idmalbania.org.

Pjese nga studimi

1. Permbledhje

Ky dokument politikash fokusohet mbi problemin e plagjiaturës në punimet shkencore të publikuara nga pjesëtarë të stafeve  akademike në Shqipëri.

Në vijim pasqyrohet korniza legjislative në lidhje me arsimin e lartë, të drejtat e autorit dhe plagjiaturën.

Përmes kontrollit të dyfishtë me program plagjiature dhe kontroll manual të 64
punimeve shkencore, duke përfshirë dhe 5 punime doktorature, studimi vlerëson format më të shpeshta të shfaqjes së plagjiaturës dhe nivelit të pranisë së saj në këto punime akademike. ...Studimi i kushton një vëmendje të veçantë problemit të vetë-plagjiaturës, i cili konstatohet gjithashtu ndërmjet  punimeve të nënshtruara ndaj kontrollit të dyfishtë për plagjiaturë.

Përmes një pyetësori të plotësuar nga 65 pedagogë të universiteteve publike dhe jopublike, në Tiranë, Durrës, Elbasan, Shkodër dhe Vlorë, mundësohet evidentimi i disa prej shkaqeve të kryerjes së plagjiaturës nga pjesëtarë të stafeve akademike, si dhe
perceptimeve të tyre mbi shkallën e përhapjes së këtij problemi.

Përgjigjet e tyre ofrojnë gjithashtu informacion të vlefshëm mbi kapacitetet dhe performacën aktuale të institucioneve të arsimit të lartë në drejtim të ndërgjegjësimit, parandalimit, mbikëqyrjes, zbulimit dhe sanksionimit të shkeljeve të etikës dhe kryerjes së plagjiaturës. 

Përmes theksimit të nevojës për parandalim, mbikëqyrje dhe sanksionim të rasteve të plagjiaturës, ky dokument propozon një sërë rekomandimesh të përshtatura ndaj gjetjeve kryesore të studimit.

2. Gjetjet

A. Një ndër format më flagrante të plagjiaturës është kopjimi fjalë për fjalë i fjalive dhe paragrafëve të plotë të punimeve më të hershme të autorëve të tjerë. Raste të dukshme të kësaj forme plagjiature u konstatuan në 23 punime shkencore, të publikuar brenda ose jashtë vendit. (fq. 14, shih grafikun me poshte).

  

B. Probleme me citimet

• Mosrespektim të ndonjë stili të caktuar referimi (p.sh., AMA, APA, Chicago, Harvard, OCSOLA, etj.);
• Stile të ndryshme referimi brenda bibliografisë së të njëjtit artikull (kjo tregon plagjiaturë të mundshme të referencave bibliografike nga artikuj të ndryshëm të konsultuar);
• Një numër i konsiderueshëm referencash (në një rast konkret, 17 të tilla) të ngjashme edhe sipas renditjes me një artikull të huaj;
• Referenca jo të plota dhe korrekte (si p.sh., Duka, 270:30 apo
www.bksh.al në pjesën e bibliografisë).
• Mospërfshirja në bibliografi e referencave në tekst (psh, Gupta, 2008);
• Paraqitja si burim vetëm i një adrese interneti, pa të dhëna të tjera të nevojshme;
• Në disa raste, faqet e internetit nuk përmbajnë datën e aksesimit të tyre dhe rezultojnë të pavlefshme (p.sh. “File not found”);
• Probleme me citimet, përdorimin e thonjëzave dhe paraqitjen e burimit për pjesë të tekstit të vendosur në thonjëza; (fq. 19)

C. Për sa i përket nivelit të pranisë së plagjiaturës në artikujt e shqyrtuar, ai varion sipas artikujve. Kështu, 24 artikuj përmbanin  forma flagrante të plagjiaturës (‘copy-paste’) deri në masën 20%. Shtatë punime të tjera përmbanin plagjiaturë në masën 21-40 për qind. Katër artikuj të tjerë përmbanin plagjiaturë në masën 41-60% (konkretisht 49%, 54%, 56% dhe 60%). Një artikull me bashkëautorë dy Profesorë të Asociuar përbënte dhe rastin më shqetësues të nivelit të lartë të plagjiaturës, i cili kapërcente masën 90 për qind të publikimit. (fq. 21)

3.  Pyetesori, n=65 (PhD.=22, MA=32 etj.)

Read More