Diskutime per buxhetin e vitit 2016

Dashamir Shehi (PD) diskuton ne Komisionin Parlamentar per Ekonomine dhe Financat per rritjen e buxhetit te arsimit te larte me qellim ndertimin e Kampusit te Universitetit te Tiranes. 

Link: (fq. 20)

Vihet re se komisioni parlamentar me kryetar Genc Pollo, ish-minister i arsimit, nuk e ka publikuar ende online procesverbalin per diskutimin e buxhetit te vitit 2016. 


Dashamir Shehi – Një pyetje kam unë, zoti Ministër, për sa i përket arsimit të lartë te
financimet e investimeve. Ka qenë dhe është një projekt, do të bëhej Kampusi Universitar i Tiranës.
U bë 3-4 vjet që janë marrë lejet, terrenet janë shpronësuar. Domethënë ishte zgjidhur një pjesë e
mirë e problematikës. Deri para 2 muajsh, kur ka ardhur faza e parë e projektit të buxhetit këtu,
figuronte. Kampusi universitar brenda kësaj  ka qenë i figuruar me rreth 240 milionë lekë. Tani nuk
figuron më. Janë hequr rreth 2 milionë dollarë afërsisht që ishin për kampusin universitar. Në një
farë mënyre po loboj në emër të shumë dekanëve. Universiteti i Tiranës i ka ca para të vetat. Do të
mjaftonte që ju ta përfshinit në zërin e investimeve këtu, qoftë dhe me një shifër tjetër më të vogël,
sepse paratë mund të mos jenë. Këto janë para sa për ta filluar kantierin.  Kjo do të mbyllte një sërë
procedurash. Do të mbyllte çështjet e tokës, kantierin, rrethimin që të mbyllej kjo temë që do të
ndërtohet këtu dhe të mos hapet më ky muhabet. Dhe ata mund ta bëjnë me paratë e veta. Universiteti
i Tiranës ka gati 2 milionë euro në xhep. Kështu që pse të vonohet të hapet dhe një herë debati, leja?
 Kjo histori është mbyllur një herë. Ky është kampusi i shtetit shqiptar. Vetëm këtë ka e gjithë
Shqipëria. Mos një ditë, një ditë tjetër do të bëhet.  T’i japim mundësi vendit të mos vënë 2 milionë
se nuk janë aq. Vini gjysmë milioni. Unë pikërisht për këtë të them, që t’i mbyllim disa lloj debatesh,
të mos ngelim varur për interesa të tjera. Kampusi të fillojë të rrethohet. Pastaj, duke qenë të tillë e
filluam atë faz, kantieri gati i rrethuar mund t’u ofrohet dhe donatorëve të huaj. Çfarë do t’i ofrohet
tani të tjerëve? Kjo do të ngelë e gjitha me financim shtetëror dhe kjo është një vepër që minimalisht
do t’i hajë 30-40 milionë. Atëherë do të tërhiqet zvarrë për shumë vjet. Kështu fitojmë një vit kohë.
Mjafton që këtu të vihet mbi 50 milionë, që figurojnë mbi investimet publike. Prandaj unë gjykoj që
dhe kolegët po ta shohin mund ta bëjnë këtë deviacion nga universiteti “Moisiu” në Durrës, heqim
100 milionë ose 20 milionë, dhe t’ia vëmë kampusit këtu që të hapet kantieri. Pjesën tjetër ta fusë
Universiteti i Tiranës.  Shyqyr që paska para. Diskutojeni këtë mundësi. Unë them se do t’i bëhet
mirë arsimit publik shqiptar. Kjo është një gjë që mund të rikuperohet.

Arben Ahmetaj (PS, minister i ekonomise): Ka një shumë të padetajuar brenda fondit të Ministrisë së Arsimit, që është gati 1,2 miliardë, që vjen nga fondet e veta. Besoj se aty e kemi një mundësi që ta planifikojmë. Por nëse ju do të gjykoni në finale ky komision merr vendime.
Unë dua të ndaj me ju, gjithashtu, edhe një element tjetër. Ne kemi filluar një investim shumë
të rëndësishëm. Sigurisht nuk është e njëjta gjë me atë që ju thoni. Kemi filluar planifikimin e një
investimi shumë të rëndësishëm në Qytetin e Studentit me 4,5 milionë euro, i cili do të bëjë
rikonstruksion të thellë të disa godinave, kemi filluar projektin për ribërjen e të gjithë kampit atje.
Megjithatë unë ndaj të njëjtin mendim me ju dhe besoj t’ia kalojmë ministres së Arsimit për këtë 1,2
miliardë të padetajuar. Të shohim hapësirën për atë që ju thoni me të drejtë.

Erion Braçe (PS, kryetar i komisionit)– Kam përshtypjen që brenda asaj vlere që thoni ju,  duhet të jetë dhe kjo te Ministria e Arsimit.

Arben Ahmetaj – Unë kam kërkuar listën nga Ministria e Arsimit, por në të drejtë të tyre
ata po e detajojnë listën. Është e vërtetë që në planifikimin e tyre është një shumë për kampusin
brenda shumës 1,2 miliardë. Megjithatë, unë për t’iu referuar zyrtarisht pyetjes dhe komentit të zotit
Shehi po them që brenda shumës 1,2 miliardë ka një mundësi për t’u planifikuar. Gjithsesi, po i
referohem zyrtarisht përgjigjes dhe po të them që kemi mundësi ta alokojmë brenda shumës 1,2 të
padetajuar që i përket arsimit.