Fillojnë përplasjet e sektorit privat ndaj nismës së qeverisë

 

Perditesuar 1: 07.08.2014

Përditësuar 2: 09.08.2014

Origjinal: 4.08.2014

Qeveria nxitoi me vendimin e saj për të propozuar mbylljen e disa institucioneve të arsimit të lartë, pasi reforma nuk është miratuar akoma dhe ligji i arsimit të lartë nuk lejon një ndërhyrje të tillë drastike, sidomos nga agjenci të huaja jo-anëtare të ENQA siç është British Accreditation Council. Sidoqoftë, institucione të arsimit të lartë si shkolla e lartë Vitrina kanë kërcënuar se do ti drejtohen institucioneve të ligjit për këtë nismë të qeverisë.

http://www.balkanweb.com/sociale/2776/pezullimi-vitrina-mas-kontroll-tendencioz-tek-ne-vazhdojme-betejen-204438.html

Vitrina është një institucion që historikisht ka vepruar kundra ligjit, është licencuar në 2008 por ka pranuar studentë që në 2007 duke mashtruar familjarët. Ka pranuar studentë në programe të pamiratuara dhe ka diplomuar në programe të paakredituara. Ka pasur konflikte me nepunësit civl të ministrisë, disa herë studentët janë ankuar për mashtrim dhe rrahje nga rojet personale të administratorit, është gjobitur nga Komisioni i Mbrotjes së Konsumatorit dhe ka pasur përplasje me komisiaritin e policisë së Kasharit.

Vitrina (Gazeta Express) ka filluar me shantazhin ndaj nepunesve te shtetit duke sulmuar inspektoren e arsimit te larte prane Inspektoriatit Kombetar te Arsimit, znj. Ejona Isufaj. Znj. Isufaj ka qene punesuar prane ketij institucioni per disa vite dhe Vitrina ka publikuar diplomat e saj te leshuara nga nje institucion i panjohur i arsimit te larte (Degree Mill).

Deri tani MAS nuk ka publikuar ndonjë raport të hollësishëm me fakte mbi gjetjet e grupit te kontrollit. Kryeministri ka rrëfyer anekdota dhe ministria ka folur në përgjithësi. Shpresojmë që gjetjet të shoqërojnë vendimet e qeverisë për heqjen apo pezullimin e licencave.

Sipas Shpresa Mezinit (Gazeta Shqip, 09.08.2014) studentë të shkollës së lartë private Vitrina janë informuar nga institucioni se duhet të paguajnë para për transferimin dhe dokumentacionin, në shkelje të vendimit të Këshillit të Ministrave. Kjo praktikë është ndjekur gjithmonë nga Vitrina për të vështirësuar transferimin dhe vjedhur studentët – në 2011 Komisioni i Mbrotjes së Konsumatorit pranë METE ka gjobitur dy herë këtë institucion për praktika corientuese dhe jashtëkontraktuale të vjedhjes së studentëve.