1955-58_Ramiz_Alia

Ramiz Alia lindi më 18 tetor 1925 në Shkodër dhe vdiq më 7 tetor 2011 në Tiranë.
- 1949-1955 Sekretar i Parë i KQBRPSH
- 1954 u diplomua në shkollën e Partisë në Moskë.
- 1955-1958 Ministër i Arsimit dhe Kulturës
- 1961-1985 anëtar i Byrosë Politike dhe Sekretar i KQ PPSH-së për ideologjinë
- 1982-1990 deputet, Kryetar i Presidiumit të Kuvendit Popullor
- 1985-1991 Sekretar i Parë i KQ të PPSH-së
- 1991 kryetar i Këshillit Presidencial
- 1992 President
 

Arritjet

1. Themelimi i Universitetit Shtetëror të Tiranës (USHT) 10 qershor 1957.
- Misioni i USHT sipas Ramiz Alisë është: “Së pari, ai do të përgatitë kuadrot e larta të nevojshme…Së dyti, do t’i japë një zhvillim më të madh punës shkencore dhe mendimit shkencor në Shqipëri në të gjitha fushat. Së treti, do të luajë një rol vendimtar për rritjen e kuadrove ekzistuese.” (Cambo, 2004, fq. 165, cituar sipas Duro, 2012, fq. 85).
- Objektivat e USHT sipas statusit: “Të përgatisë për degët e rëndësishme të ekonomisë popullore, të shkencës, kulturës, teknikës dhe shëndetësisë, specialistë me profil të gjerë dhe kualifikim të lartë, të aftë për të përvetësuar në mënyrë të plotë realizimet e reja të shkencës {…}përparimtare të të gjithë botës, për të lidhur teorinë me praktikën e ndërtimit të shoqërisë socialiste dhe të gatshëm, për të mbrojtur me besnikëri atdheun socialist.” (Duro, 2012, fq. 86).
2. Themelimi i Institutit të Lartë Pedagogjik të Shkodrës (prej 1991 - Universiteti i Shkodrës).
- Institut i Lartë Pedagogjik me afat studimi 2 – vjeçar (1957 – 1970).  Kishte  dy degë : Gjuhë shqipe - Letërsi - Histori dhe Matematikë - Fizikë.  Në vitin akademik 1962 - 1963 u hap edhe dega Biologji – Gjeografi. Ishte i vetmi institucion që përgatiste kuadrin mësues për arsimin 8 - vjeçar për të gjithë Shqipërinë. Gjatë kësaj periudhe u diplomuan 4 505 mësues në të dy sistemet (me dhe pa shkëputje nga puna).
Burimet:
Wikipedia: http://sq.wikipedia.org/wiki/Ramiz_Alia
Duro, Çlirim (2012) Historia e Arsimit të Lartë në Shqipëri 1946-1968. Disertacion në Kuadër të Doktoraturës. Marrë nga Baza e të Dhënave në Universitetin e Tiranës (16 Gusht, 2013).
Historiku i Universitetit të Shkodrës, http://www.unishk.edu.al/sq/node/35

Read More

Protesta kundër kritereve të qeverisë për masterat

 

HOXHAJ, E. (18 Janar, 2012)  “Masteri, studentët protestë kundër provimit të Toefl-it”, Balkanweb. marrë nga http://www.balkanweb.com/m/kryesore/masteri-studentet-proteste-kunder-provimit-te-toefl-it-79381.html

TIRANE - Studentët e universitetit shtetëror kanë zhvilluar ditën e djeshme protesta kundër stazhit të detyruar pas përfundimit të studimeve, testit të Toefl-it dhe financimet e universiteteve private me para publike. Protestat janë zhvilluar para çdo fakulteti gjatë pasdites së sotme. Studentët paralajmërojnë protesta të tjera në ditët e ardhshme. Sipas ligjit të arsimit të lartë, të gjithë ata që kanë përfunduar studimet për master profesional në vitin akademik 2010-2011 nuk mund të marrin diplomën që u njeh këtë kualifikim, pa iu nënshtruar më parë provimit të zotërimit të gjuhës angleze. Këtij detyrimi duhet t’i nënshtrohen edhe ata që do të përfundojnë studimet për master shkencor në vitin akademik 2011-2012.
Protesta
Qindra studentë të Universitetit të Tiranës kanë protestuar pasditen e djeshme në lidhje me disa çështje. Ata kanë kundërshtuar stazhin si punë e papaguar, mbrojtjen e anglishtes si kusht diplomimi dhe reforma e pritshme financiare. Studentët kanë bërë të ditur se protesta e tyre do të vijojnë. “Është një çmenduri që universitetet private të financohen me paratë e taksapaguesve, me paratë tona, në një kohë kur shtetasit nuk përfitojnë asnjë benefit nga këto pseudouniveristete”, - shprehet Meritan Elezi, një nga studentët e përfshirë në protestë. “Me sa duket universitetet private kanë gjetur një mënyrë të lehtë për të fryrë fitimet e tyre të ekzagjeruara”, - ka thënë studentja. Pankartat që ata mbanin në duar ishin më të ashpra në lidhje me provimin e detyruar të anglishtes. Sipas tyre, dhënia e provimit të Toefl-it jo vetëm që është një procedurë mjaft e kushtueshme për ta, por duke e bërë anglishten të detyrueshme, diskriminohen gjuhët e tjera. Ata thonë që së paku të rinjtë të kishin mundësi të zgjidhnin një nga gjuhët që duan të japin në përfundim të këtij cikli studimesh, siç është italishtja, frëngjishtja apo gjermanishtja. Ndërkohë ata pretendojnë se vendosja e kriterit të detyrueshëm për t’iu nënshtruar Toefl-it, ka të bëjë edhe me favorizime të subjekteve private të ndryshme. Aktualisht Universiteti i Tiranës është i vetmi universitet në vend që ka marrë të drejtën për administrimin e këtij testi që njihet ndërkombëtarisht. Por, nëse testi kushton në total 66 euro, kurset parapërgatitore për këtë testim kushtojnë nga 400 deri në 500 euro. Ndërsa drejtuesit e universiteteve ashtu si kanë thënë edhe në protestat e mëparshme që kanë bërë studentët kanë sqaruar se nënshtrimi i testit të TOEFL-i është një detyrim i përcaktuar me ligj. Ligji ka hyrë në fuqi në 2010 dhe i detyron të gjithë të rinjtë që nisin studimet për master shkencor apo profesional se nuk mund ta marrin diplomën, nëse më parë nuk marrin një notë kaluese në testin e TOEFL-it.

Read More